Ar ôl wythnos o gystadlu brwd, mae'r canlyniadau i gyd wedi eu cyhoeddi.
Prif gystadleuaeth
Canwr y Byd Caerdydd 2009 yw'r soprano o Rwsia, Ekaterina Shcherbachenko. Canodd mewn tair iaith yn y rownd derfynol - ond dim un ohonyn nhw'n Rwsieg.
Enillodd £15,000 a thlws, a'r posibilrwydd o waith efo'r BBC a'r Gerddorfa Opera Cenedlaethol Cymru.
Y pedwar cystadleuydd arall yn y rownd derfynol oedd Yuriy Mynenko o'r Wcráin, Eri Nakamura o Siapan, Giordano Lucà o'r Eidal a Jan Martiník o'r Weriniaeth Siec.
Gwobr Datganiad
Jan Martiník, y baswr o'r Weriniaeth Siec enillodd y Wobr Datganiad.
Y pedwar cystadleuydd arall i gyrraedd rownd derfynol y wobr oedd Javier Arrey o Chile, Eri Nakamura o Siapan (yn lle Tomislav Lučić o Croatia), Yuriy Mynenko o'r Wcráin a Natalya Romaniw o Gymru.
Gwobr y Gynulleidfa
Wedi miloedd o alwadau ffôn gan y cyhoedd, a phleidleisio gan y gynulleidfa yn y neuadd, cafodd yr Eidalwr Giordano Lucà ei enwi fel yr enillydd. Mae o'n derbyn gwobr o £2,000.
© MMX