Parataoodd y cwmni drama dwy ddrama ar gyfer cystadlu yn y gwyliau drama a'r Eisteddfod Genedlaethol.

Cyfieithiad Emyr Edwards o ddrama 'Confusions' gan Alan Ayckbourn sef 'Y Fam Ddelw' oedd un gyda Catrin Jenkins, Gwynant Evans, Janet Roberts a Siôn Pennant yn y cast.

Yr ail ddrama fu'n cystadlu oedd cynhyrchiad o 'Apocalyps', drama wreiddiol o waith y dramodydd Emyr Edwards gyda Rhian Evans a Sion Glyn Saunders Jones yn y cast.

Mae dyled y cwmni yn fawr i ymroddiad a gwaith caled y cynhyrchydd Siôn Pennant, Bont-goch am roi o'i amser i gynhyrchu'r dramâu.

Bu'r ddwy ddrama yn cystadlu yng Ngŵyl Ddrama'r Groeslon ym mis Ebrill ac yna yng Ngŵyl Corwen ddechrau Mai ble cipiwyd y wobr gyntaf gan 'Apocalyps'.

Llongyfarchiadau hefyd i Siôn Glyn Saunders Jones am gipio tlws yr actor gorau dan ddeg ar hugain yng Nghorwen a hynny am y trydydd tro.

Cofiwch fod cyfle i weld y ddwy ddrama yn yr Eisteddfod Genedlaethol yn y Bala ym mis Awst pan fydd yr 'Apocalyps' yn cystadlu yng nghystadleuaeth perfformio drama fer a'r 'Fam Ddelw' yn perfformio yn Theatr Fach y Maes.

Dymuniadau gorau a phob lwc i'r cwmni.