BBC HomeExplore the BBC
Nid yw'r dudalen hon wedi ei diweddaru ers tipynFe'i gadawyd yma er gwybodaeth.Rhagor o wybodaeth

GWENER
11eg Gorffennaf 2014
Hygyrchedd
Geiriau Yn Unig
Oriel yr Enwogion

BBC Homepage
BBC Cymru
BBC Lleol

Cymru GoOr GoDd Canol DeOr DeDd
»

Canolbarth

Newyddion Lleol

Chwaraeon

Y Tywydd

Teithio

Bywyd Bro

Digwyddiadau

Papurau Bro

Trefi

Oriel yr Enwogion

Hanes

Lluniau

Gwegamerâu

Eich Llais

BBC Vocab
OFF / I FFWRDD
» Turn ON
Troi YMLAEN
» What is VOCAB? Beth yw GEIRFA?
 

Ymateb

Cymorth

Wedi mwynhau'r ddalen hon?
Anfonwch hyn at gyfaill!

 
Chwaraeon
Dafydd Jones
Dafydd Jones

Ganwyd: 24 Mehefin 1979

Magwyd: Aberystwyth, magwyd yn Aberaeron.

Addysg: Ysgol Uwchradd Aberaeron


Chwarae rygbi rhyngwladol dros Gymru ac yn aelod o dîm rygbi Llanelli

Er gwybodaeth: Ei hoff ffilm yw Gladiator

Bywgraffiad:
Ganwyd Dafydd Jones yn Aberystwyth ac fe'i fagwyd ym mhentref Llanarth, ger Aberaeron. Mynychodd ysgol y pentref cyn mynd i Ysgol Uwchradd Aberaeron. Yma fe ddechreuodd ddatblygu ei sgiliau ar y cae rygbi. Chwaraeodd dros Aberaeron cyn ymuno â chlwb rygbi Llanymddyfri. Ar droad y ganrif fe symudodd i un o dimoedd mwyaf Cymru, Llanelli.

Mae'n ddyn mawr a chyflym dros ben. Chwaraeodd dros Lanelli am y tro cyntaf yn Awst 1999 yn erbyn Leicester. Fel sawl chwaraewr roedd chwarae dros Gymru yn uchelgais mawr iddo. Gwireddwyd y freuddwyd hon yn ystod Tachwedd 2002 pan ddaeth i fod y 165ain Scarlet i wisgo crys Cymru. Perfformiodd yn wych yn ystod ei gêm ryngwladol gyntaf yn erbyn Fiji yn ystod Cyfres Ryngwladol yr Hydref BT yn Stadiwm y Mileniwm. Yn ôl rhai dyma oedd y perfformiad cyntaf orau ers i'w gyd-flaenasgellwr, Brett Sinkinson, ennill ei gap cyntaf yn erbyn Ffrainc yn 1999.

Adeiladodd ar y sylfaen arbennig hwn drwy rhoi perfformiad cryf iawn yn ystod Pencampwriaeth y Chwe Gwlad yn 2003. Yn anffodus daeth y tymor ar nodyn isel wrth iddo gael ei anfon oddi ar y cae am stampio yn erbyn Perpignan yng Nghwpan Heineken ac fe'i waharddwyd rhag chwarae am chwech wythnos.

Chwaraeodd am y tro cyntaf yng Nghwpan y Byd yn erbyn Canada, ac yna ennill ei gais ryngwladol cyntaf yn erbyn yr Eidal - cais sicrhaodd fuddugoliaeth i'r tîm. Yn ôl rhai mae e wedi dysgu lot gan aelod arall o rheng ôl Llanelli, Scott Quinnell, ac mae'n gobeithio cyrraedd yr un mesur o lwyddiant ar y cae.

Cynrychiolodd ei wlad ym Mhencampwriaeth y Chwe Gwlad 2004 ac roedd yn y tîm hefyd yn ystod tymor 2005. Chwaraeodd am awr gyntaf y gêm agoriadol yn erbyn Lloegr ar y pumed o Chwefror ond bu rhaid iddo ymatal rhag chwarae am weddill y bencampwriaeth oherwydd anaf i'w belfis.

Roedd yn ôl ar y cae erbyn Tachwedd 2005 pan fe'i enwyd i dîm Cymru ar gyfer Gemau Rhyngwladol yr Hydref yn erbyn Seland Newydd, Fiji, De Affrica ac Awstralia.

  • Gwefan Chwaraeon BBC Cymru'r Byd
  • Cyfrannwch
    Cyfrannwch i'r dudalen hon!

    Ychwanegwch eich sylwadau i'r dudalen fan hyn:
    Enw a lleoliad (e.e. Angharad Jones o Lanymddyfri):

    Sylw:




    Mae'r BBC yn cadw'r hawl i ddewis a golygu sylwadau. Darllenwch sut i wneud y siwr caiff eich sylwadau eu cyhoeddi. I anfon cyfraniad mwy, cysylltwch â ni.


    0
    C2 0
    Pobol y Cwm 0
    Learn Welsh 0
    BBC - Cymru - Bywyd - Pobl - A-B


    About the BBC | Help | Terms of Use | Privacy & Cookies Policy