Sut ydach chi wedi cyrraedd lle rydach chi erbyn hyn?
Mewn car. A naci, nid jôc sal ydy hona, wir yr. Nes i raddio mewn Saesneg ym Mangor, yna es i werthu ceir yn garej Ty'n Lôn am chydig fisoedd. Ar ôl hynny, ddes i ateb cwynion ac ymholiada y BBC, a wedyn cal joban fel ymchwilydd Radio Cymru.
Record cyntaf i ti brynu?
Dwi wir ddim yn cofio - ond dwi'n meddwl mai Bad gan Michael Jackson oedd o, pan o'n i'n 6.
Gig gorau i ti fynychu a pham?
Manic Street Preachers, a Boo Radleys yn cefnogi, yng Nghanolfan Hamdden Aston Villa yn Birmingham. Roedd o jyst ar ol rhyddhau Everything Must Go, ac i mi, dyma pryd odda nhw ar i gora yn fyw.
Dy arwr/arwres?
James Bond
Be sy'n gwneud i ti grio?
Wrth i mi fynd yn hŷn, dwi'n ffindio fy hun yn crio yn amlach, am resyma hollol wirion. Ma cyfuniad o win coch a'r benod olaf yng nghyfres 2 o'r West Wing fel arfer yn i neud o.
Sut yr hoffet ti gael dy gofio?
"Mi oedd o'n hen foi iawn, hyd yn oed ar ol ennill £15 miliwn ar y loteri"
Pryd oedd y tro diwethaf i ti godi cywilydd arna ti dy hun?
Does dim un digwyddiad yn dod i'r meddwl, ond dwi'n troi'n idiot di-glem bob tro dwi'n siarad hefo unrhywun enwog, ac yn dueddol o ddeud peth twp iawn pan dwi'n nerfus.
Dy gas gân neu grwp?
Unrhywbeth dwi'n medwl sy'n 'over-rated' - ar hyn o byrd, Arctic Monkeys.
Snog cyntaf - disgrifia'r profiad, y lleoliad a chyda phwy?
Nia Davies, ar wylia yng Nghernyw.
Posteri o beth, neu o bwy oedd gen ti ar wal eich ystafell gwely?
Oasis, Oasis, Oasis
Dy 'crush' cyntaf?
Geraldine Cowper yn Ysgol Glan Y Môr, a Daisy Duke o'r Dukes of Hazzard
Beth ydy'r peth gorau i ti erioed ennill?
'Rioed wedi ennill diawl o ddim.
Os bysa chi'n far o siocled, pa un fysa ti'n dewis a pham?
Mars bar - hen ffasiwn, ond gneud y job.
Y peth gwaetha i ti wisgo'n gyhoeddus?
Ma gen i hen gôt law ma pawb yn deud sy'n afiach. Ma cwpl o bobl yn gwaith wedi trio ei llosgi / cuddio. Ond ma hi'n gynnes iawn...
Dathliad gorau erioed?
Dwi newydd droi yn 30 ac fe nnaeth Manon fy ngwraig a fi i fwyty Gordon Ramsey yn Chelsea. Blwmin hyfryd!!
