Lynn Davies

Lynn Davies

Hanes 'Lynn the Leap' neu Lynn Davies, yr unig athletwr o Gymru i ennill y fedal aur yn y Gemau Olympaidd yn y categori 'trac a chae'.

Y Naid aur

Yn dathlu ei benblwydd yn 70 eleni, mae 'Lynn the Leap' unwaith eto yn y newyddion gan fod y DU yn gartref i'r Gemau Olympaidd yn 2012.

Ganwyd ef ar Fai 20 1942 yn Nant-y-moel. Ef yw un o'n athletwyr mwya poblogaidd gan iddo gystadlu yn nhri o'r Gemau Olympaidd. Enillodd y fedal aur ac yntau ond yn 22 oed am y Naid Hir yng Ngemau Olympaidd 1964 yn Tokyo.

Fe wnaeth Lynn Davies y gorau o'r tywydd gwyntog a gwlyb i faeddu'r pencampwr ar y pryd oedd hefyd yn dal y Record Byd, Ralph Boston, gyda naid arwrol o 8.7 medr.

Melltith Mecsico

Ond daeth tro ar fyd yn 1968 pan dychwelodd Lynn Davies i'r Gemau yn Ninas Mecsico i amddiffyn ei deitl.

Fel gweddill y dorf, cafodd ei syfrdanu gan naid ryfeddol Bob Beamon o 8.90 medr gan ddweud wrth yr Americanwr ei fod 'wedi dinistrio'r digwyddiad.'

Yr tro hwn, daeth Lynn yn 9fed gan hefyd golli cyfle i gystadlu yng Ngemau Olympaidd Gwaedlyd Munich ym 1972.

Fodd bynnag, fe erys ei record gorau o 8.23 medr, a wnaeth gyflawni yn 1968 yn Berne, fel y Record Gymraeg am y naid hir am 34 mlynedd.

Aeth Lynn Davies ymlaen i ennill yr Aur yng Ngemau'r Gymanwlad yn Jamaica yn 1966 a Chaeredin yn 1970 a chipiodd hefyd yr aur ym Mhencampwriaethau Ewrop yn 1966 a'r arian yn 1969.

Lynn the Leap

Yn dilyn ei ymddeoliad o'r byd chwaraeon, trodd Lynn Davies ei law i weinyddu chwaraeon gan reoli sgwad athletau Prydain yn y Gemau Olympaidd. Bu hefyd yn reolwr technegol i'r 'Canadian Track and Field Association.'

Ef oedd llywydd UK Athletics a bu'n ran bwysig o gais llwyddiannus Llundain i lwyfannu Gemau Olympaidd 2012.

Cafodd ei anrhydeddu gyda CBE yn 2006 am ei wasanaethau i'r byd Chwaraeon wedi iddo ennill yr MBE. Ydi, mae 'Lynn the Leap' yn dal yn enw i'w gofio ym mhantheon atheltwyr enwocaf Cymru.


Cylchgrawn

Trin a thrafod Llyfrau

Trin a thrafod Llyfrau

Archif o holiaduron awduron, straeon ac adolygiadau llyfrau.

Cerddoriaeth

Cerddoriaeth

Artistiaid

A-Z o gerddorion ar wefan BBC Cymru.

Hanes Chwaraeon

Gareth Edwards

Hanes Rygbi Cymru

Hanes y bêl hirgron o'i gwreiddiau hyd at y Gamp Lawn

Hanes

Croes Geltaidd

Crefydd y Cymry

Sut aeth Cymru o fod yn wlad y Derwyddon i wlad y Diwygiad?

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.