Freddie Welsh

Gornest Freddie Welsh a Jim Driscoll

Hanes Freddie Welsh, un o'r bocswyr gorau welodd y Byd erioed.

Cuddio'i dalent

Roedd Welsh a Driscoll yn arbennig a byddent yn sicr yn trechu bocswyr heddiw. Roedden nhw mewn dosbarth cwbl unigryw.

Billy Eynon (1977)

Yn wahanol i focswyr enwog eraill o Gymru yn yr 20fed Ganrif, roedd Frederick Hall Thomas yn dod o gefndir cyfoethog.

Dechreuodd ddefnyddio yr enw 'Welsh' er mwyn cuddio o'i deulu y ffaith ei fod e'n focsiwr proffesiynol!

Yn fab i arwerthwr o Bontypridd, ganwyd Freddie ar y 5 o Fawrth 1886. Roedd e'n blentyn sâl iawn ac felly fe'i anfonwyd i California er mwyn ceisio gwella ei iechyd. Dechreuodd focsio fel ffordd i gryfhau ei gorff ond yn fuan darganfu fod ganddo cryn dalent yn y maes. Dechreuodd wneud enw iddo'i hun yn Efrog Newydd.

Cafodd Welsh drafferth wrth ymgeisio i gael y Teitl Byd - nid oedd yn cael y gornestau cywir oherwydd roedd ei arddull o ymladd - osgoi a blino ei wrthwynebwr - yn amhoblogaidd. Roedd ei ornest enwog yn erbyn Jim Driscoll, Bocsiwr Cymreig arall o Gaerdydd yn 1907 yn frwydr a achosodd gryn rhwystredigaeth i'w dilynwyr. Doedd dim modd dyfarnu buddugwr oherwydd i Driscoll ymladd yn frwnt yn erbyn Welsh a chafodd ei ddiarddel o'r ornest. Cred llawer mai Welsh fyddai wedi ennill yr ornest honno ta beth gan ei fod yn drech na Driscoll.

Diwedd truenus

Freddie Welsh
Freddie Welsh

Fe ddaeth ei gyfle yn Llundain, pythefnos cyn dechrau'r Rhyfel Byd Cyntaf, pan drechodd Willie Ritchie, Pencampwr Pwysau Ysgafn y Byd, yn 1914.

Dychwelodd Welsh i'r Unol Daleithau lle gafodd sawl gornest am arian mawr, ond roedd dadlau am ei fod yn manteisio ar y 'rheol dim dyfarniad' i'w helpu i gadw ei deitl.

Wedi gwneud ei ffortiwn ac ymddeol, fe gollodd Welsh y cyfan oedd ganddo ac fe'i ddarganfuwyd yn farw yn ei fflat yn Efrog Newydd yn 1927 yn 41 oed.


Cylchgrawn

Trin a thrafod Llyfrau

Trin a thrafod Llyfrau

Archif o holiaduron awduron, straeon ac adolygiadau llyfrau.

Cerddoriaeth

Cerddoriaeth

Artistiaid

A-Z o gerddorion ar wefan BBC Cymru.

Hanes Chwaraeon

Gareth Edwards

Hanes Rygbi Cymru

Hanes y bêl hirgron o'i gwreiddiau hyd at y Gamp Lawn

Hanes

Croes Geltaidd

Crefydd y Cymry

Sut aeth Cymru o fod yn wlad y Derwyddon i wlad y Diwygiad?

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.