Pob dydd yn cyfrif

Ffurflenni Cyfrifiad

gan Densil John

08 Mawrth 2011

Pethau sy'n cyfrif

Ar y rhaglen hon ddoe, cawsom wrando ar sgwrs ddifyr yn cyfeirio at y ffaith y byddwn yn derbyn gohebiaeth Cyfrifiad 2011 yn ystod yr wythnos hon.

Cyfle i roi gwybodaeth i'r sawl sy'n cynllunio polisïau er mwyn darparu ar ein cyfer dros y blynyddoedd nesaf.

Ymhen canrif bydd eraill yn awyddus i gasglu gwybodaeth amdanom wrth iddynt hel achau mae'n siŵr. Holodd Gari ddoe a oedd y syniad o gyfrifiad yn hen-ffasiwn bellach, ac fe wnaeth fy nharo i, i feddwl pa gwestiwn na fyddem am eu hateb.

Mae'n dda ein bod yn medru ateb yr holl gwestiynau a ddaw. Pe na fyddem yn medru ateb y cwestiwn, byddai gofid llawer mwy.

Profiad anodd yw ymweld gyda hen gyfeillion a arferai wybod cymaint, ond bellach wedi colli pob syniad o'i hunaniaeth. Un peth yw bod gofidiau corfforol arnom, ond Duw a'n helpo pan gollwn yn llwyr bob gafael ar ein cof.

Cerrig miltir

Yn y slot yma ddoe, clywsom Sîon Meredith yn cyfeirio at y cyfaill Dafydd Jenkins o'r Llyfrgell Genedlaethol gynt yn dathlu ei ben-blwydd yn gant oed.

Mae gan fy mhriod ewyrth a fydd yn cyrraedd yr un garreg filltir o fewn deufis, ac roedd yntau yn chwarae bowls tan ryw ddwy flynedd yn ôl.

Ddoe, cytunais i arwain angladd bachgen ifancach na mi, a phrin y byddai ef yn effro i'w gyflwr ychydig flynyddoedd yn ôl hyd yn oed.

A phwy fyddai wedi dychmygu y byddai Tirion Lewis wedi cael y fath anaf gan gyn gariad iddi, ac yn dal i ddioddef, deunaw mis yn ddiweddarach?

Cofio pwy ydym

Onid rhywbeth sylfaenol yw cofio pwy ydym ac adnabod ein hunain. Nid rhywbeth morbid yw byw pob dydd fel pe byddai'n ddiwrnod olaf ond agwedd meddwl i wneud y gorau o bob dydd ac i beidio gadael unrhyw staen annifyr ar dudalen y cof.


Cylchgrawn

Blogiau Crefydd

Blogiau Crefydd

Sylwadau bachog am grefydd, bywyd a'r byd

Dysgu

Dysgu

Codi Cwestiwn

Dysgu am grefyddau'r byd. Gweithgarwch addysg grefyddol rhyngweithiol

Radio Cymru

Bwrw Golwg

Bwrw Golwg

John Roberts yn trafod materion crefyddol bob bore Sul

Hanes

Croes Geltaidd

Crefydd y Cymry

Sut aeth Cymru o fod yn wlad y Derwyddon i wlad y Diwygiad?

Cylchgrawn

Trin a thrafod Llyfrau

Trin a thrafod Llyfrau

Archif o holiaduron awduron, straeon ac adolygiadau llyfrau.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.