BBC HomeExplore the BBC
This page has been archived and is no longer updated. Find out more about page archiving.

13 November 2014

BBC Homepage

Local BBC Sites

Neighbouring Sites

Related BBC Sites


Contact Us

Connected Features

You are in: Cornwall > People > Connected Features > News in Cornish

Mevagissey Harbour

News in Cornish

Listen to the news in Cornish with Rod Lyon, each week on the BBC Cornwall website. Either read the script below or click on the audio link on your left and below to hear Rod's five minute bulletin.

An Nowodhow, 20 Gwynngala 2009

Gorthuher da, ha dynnargh meur dhe hwi dhe dhyllans a’n seythen ma ‘An Nowodhow’.
An kynsa kameras PW kylgh-klos a vydh yn le hag oberi yn kres an dre Lannwedhennek erbynn pedn an vledhen. An stallashyon yw awos bos meur a kudynnow y’n dre – kyns oll an omsettyans ervys war an Soodhva Bost, a-varra y’n vledhen.  Ken negys re beu kostenhes a-gynsow yw an gwerthji dillas Animal.
Yth yw krysys ytho bos lemmyn an prys dhe gavos system kylgh-klos stallys, hag yma ogas ha pub negys y’n dre ow skoodhya an towl. An dafar a vydh pes gans an kemeneth negys.

Wosa ken hav a gudynnow yn Tewyn Pleustri may feu yonkers meglys, Pednavisyer an kreslu yn Kernow a leveris bos edhom a dreylyansow meur, mar mydn tus gweles an dre avel le moy salow rag wardhegoryon dhe vysytya.  Byttegyns, herwydh an Pednavisyer, ny vydh “yli dresnos” dhe assoylya an kudyn. Yma’n kreslu ow mires orth towl a 5 dhe 10 bledhen.
Pednavisyer Elaine Marshall, yn herwydh bagasow yowynkneth, restryansow yehes, ledyoryon an konselyow ha trigoryon deythyek, eth dhe Lys an Konteth an seythen eus passys dhe dhatlha “fordh yn-rag”.
An dra an moyha posek oll a vydn an Pednavisyer dalhenna yw ymach a Dewyn Pleustri avel tre gyfvewi, kyns oll rag an re yn-dadn 18 bloodh.

Yma chons y fydh kevrann hynshorn ynter Tewyn Pleustri hag Aberfal, an pyth a leveris ledyoryon tornyaseth ha kemeneth bos “nowodhow da.”
An tybyans a wrussa gweles ystynnans dhe’n linen skoren Tewyn Pleustri dhe Borth, gans gonis dhe Sen Ostel, Truru hag ena dhe Aberfal.
Mer a Dewyn Pleustri ha Konsler Kernow John Fitter, a leveris y vos nowodhow marthus, ha kyn nag o hwath ervirys, ev ha’y gonsel o pes da del usi an gevrann bos dadhlys.
Y’n eur ma mar mydn tus mos dhyworth Tewyn Pleustri dhe Aberfal war an tren, res yw dhedha treylya dhe Borth, mos war an linen veur dhe Druru, hag ena treylya arta dhe gemeres an linen skoren dhe Aberfal.

Nyns yw hwath towlow rag pennhyns tremenysi nowyth dhe Bensans ervirys yn tien. Desinyow nowyth a vydh dasprofys wosa degemeryans gans kabinet Konsel Kernow a-varra y’n seythen.
An desinyow nowyth, hag a wra displetya an pennhyns hwath drehevys dhe Garregi Battery, a wra diskwedhes leheans a dir dasklemys a 20%.
Byttegyns, yma’n konsel ow hwithra an possybylieth a dhrehevel depo karg yn-mes an dre.
An keweyth dre vras yw leveris gans an Konsler Kernow rag Fordhow veur, Karyans ha Towlenna, Graeme Hicks, bos avel towl bras dres ehen a yll dri dhe’n dus a Bensans ha Syllan prowyow kawrek. Yn-medh ev, “My yw pes pur dha re wrug an kabinet omworra yn fast a-dryv dhe geweyth yw mar bosek dhe’n ranndir.”

Ni re glewas meur dres an diwettha bledhen po dhiw a-dro dhe dhrehevyans a “dre-eko” y’n pow a bri gwydn, hag an seythen ma ni re glewas ynwedh fatel veu an kowethas Helvetian Orascom Development appoyntys avel keskoweth meur y vri rag an keweyth.
An displegyans a allsa gweles bys yn 5,000 a dreven kowethek kerhenedhek drehevys dres hwegh savle yn, hag a-dro the Sen Ostel.
Dres an treven, yma ynwedh towlow rag komodytys arfeth efan, towlow karyans nowyth, skolyow, negysyow ha komodytys bewedh.
An dre-eko a veu dewisys a-varra y’n vledhen ma dhe vos war an rollber a geweythyow y’n RU hag a vydh displegys avel radn a dowl governans kenedhlek.
Yma prevyans dhe Orascom a dhisplegyansow tre kyns oll y’n Est Kres, mes ynwedh dres Europa.
Ytho, del hevel, ni a wra gweles y’n termyn nag yw yw bell, meur a dreven yn kres a Gernow
Ha gans hedna, ha tereba nessa Dy’Sul, ‘th yw, adhywortiv vy, Rod Lyon, ‘Nos Da!’

last updated: 18/09/2009 at 15:06
created: 25/03/2007

You are in: Cornwall > People > Connected Features > News in Cornish

Expats Abroad

Are you an expat?

If you are an expat, we would love to hear from you.



About the BBC | Help | Terms of Use | Privacy & Cookies Policy