Sut ydym yn delio gyda’ch cwyn
Y broses gwynion ar gyfer cwynion golygyddol a chyffredinol
- Sut mae’r broses yn gweithio?
- Beth yw cwyn?
- Pwy fydd yn ateb a pha bryd?
- Beth os nad wyf wedi cael ateb?
- Os nad wyf yn hoffi’r ateb beth sy’n digwydd nesaf?
- Beth sy’n digwydd pan rwy’n dewis peidio derbyn ateb?
- A oes modd i mi gwyno wrth gorff allanol?
- Beth mae’r BBC yn ei gyhoeddi am y cwynion a dderbynir?
- Canllaw i Broses Gwynion Golygyddol a Chyffredinol y BBC
Sut mae’r broses yn gweithio?
Mae tri cham i’r broses, sydd wedi eu cynllunio i fod yn hawdd i’w defnyddio ac i’n galluogi ni i ymateb i’r hyn sydd yn eich poeni mewn modd cywir. Fe ddylech fel arfer wneud eich cwyn o fewn 30 diwrnod gwaith i’r darllediad neu ddigwyddiad ac ein nôd yw ymateb o fewn 10 diwrnod gwaith. Am fanylion llawn darllenwch y Canllaw i Broses Gwynion Golygyddol a Chyffredinol y BBC.yn ôl i ben y dudalen ^
Beth yw cwyn?
Os ydych yn dweud eich bod yn gwneud cwyn rydym yn ei gyfrif fel un. Rydym yn derbyn adborth am lawer o faterion, yn negatif ac yn bositif, ond yn gyffredinol rydym yn ystyried rhywbeth yn gwyn os ydyw’n feirniadaeth sy’n disgwyl ymateb ac yn dymuno gweld pethau’n newid.yn ôl i ben y dudalen ^
Pwy fydd yn ateb a pha bryd?
Bydd ateb yn dod un ai gan yr adran sy’n gyfrifol neu gan BBC Gwybodaeth. Rydym yn anelu i ymateb o fewn 10 diwrnod gwaith, gan ddibynnu ar yr amser a gymerir i ni ymchwilio i’ch cwyn.yn ôl i ben y dudalen ^
Beth os nad wyf wedi cael ateb?
Cysylltwch gyda BBC Gwybodaeth ar 03700 100 222 (cyfradd y DU sy’n costio dim rhagor na rhifau daearyddol 01/02; gellir recordio galwadau ar gyfer hyfforddiant) a byddant yn ymchwilio i’r mater ar eich rhan.yn ôl i ben y dudalen ^
Os nad wyf yn hoffi’r ateb beth sy’n digwydd nesaf?
Cysylltwch gyda’r person a atebodd, eglurwch pam eich bod yn anhapus a gofynnwch am ateb pellach i’ch cwyn. Ond os gwnaethoch eich cwyn wreiddiol drwy’r wefan hon, defnyddiwch y ffurflen ar y wefan unwaith eto i egluro pam nad ydych yn hapus ac i ofyn am ymateb pellach. Os ydych yn teimlo nad ydy’r ail ymateb hwn yn ateb eich cwyn mewn ffordd ddigonol, fe fyddwn ni yn eich cynghori chi ynglyn â sut i fynd â’r mater ymlaen i’r cam nesaf. Dylech wneud hyn fel arfer o fewn 20 diwrnod gwaith.yn ôl i ben y dudalen ^
Beth sy’n digwydd os rwy’n dewis peidio derbyn ateb?
Byddwn yn parhau i nodi eich cwyn gan ein bod yn llunio adroddiad dyddiol am y cwynion a’r adborth i gyd ar gyfer staff ar draws y BBC.yn ôl i ben y dudalen ^
A oes modd i mi gwyno wrth gorff allanol?
Oes, i’r rheoleiddiwr darlledu Ofcom ynglyn â safonau golygyddol mewn darllediadau radio a theledu (ond nid eitemau arlein na’r World Service). Mae Ofcom yn cymryd cwynion am y BBC heblaw materion yn ymwneud â diddueddrwydd, anghywirdeb a rhai materion masnachol sy’n parhau yn gyfrifoldebau i Ymddiriedolaeth y BBC. Ofcom sy’n rheoleiddio cwmniau telegyfathrebu a darlledwyr y DU – ewch i safle Ofcom i ddarllen am ei gyfrifoldebau ac ynglyn â sut i wneud cwyn.yn ôl i ben y dudalen ^
Beth mae’r BBC yn ei gyhoeddi am y cwynion a dderbynir?
Ar y wefan hon rydym yn cyhoeddi ymatebion cyhoeddus i faterion sydd o ddiddordeb eang os ydyn nhw wedi arwain at nifer sylweddol o gwynion neu’n ymwneud â mater sylweddol. Fel arfer mae’r rhain ar gael ar y wefan am hyd at chwe mis. Os ydy’n briodol byddant yn cynnwys unrhyw eglurhad, gywiriad, ymddiheuriad neu gamau a gymerwyd yn dilyn y gwyn. Mae golygyddion y BBC hefyd yn egluro materion yn yr allbwn newyddion ar ein Blog Golygyddion ac o fewn Newswatch.Rydym hefyd yn cyhoeddi:
- crynodeb misol o’r prif themâu ar draws y cwynion i gyd mewn adroddiadau rheolaidd.
- crynodeb chwarterol o’r cwynion a wnaed i’r Uned Gwynion Golygyddol. Mae crynodebau o’r cwynion a ddyfarnwyd yn rhai dilys yn cael eu cyhoeddi ar y wefan fel y maent yn cael eu prosesu ac yn cael eu harchifo yn yr adroddiad chwarterol priodol sydd ar gael o dan Adroddiadau Rheolaidd.
- adroddiadau misol am ganlyniadau unrhyw apeliadau at Ymddiriedolaeth y BBC ar Safle’r Ymddiriedolaeth.
Mae Bwrdd Rheoli Cwynion y BBC yn cyfarfod yn fisol i sicrhau bod gwersi’n cael eu dysgu pan fyddwn yn derbyn cwynion a’u bod yn cael eu bwydo i mewn i’r prosesau golygyddol a rheoli. Mae Ymddiriedolaeth y BBC yn monitro effeithiolrwydd y ffordd mae cwynion yn cael eu hateb ar draws y BBC, ac yn adrodd am hyn yn Adroddiad Blynyddol y BBC.
Canllaw i Broses Gwynion Golygyddol a Chyffredinol y BBC
Mae tri cham i broses Gwynion y BBC. O fewn 30 diwrnod gwaith i’r darllediad neu’r digwyddiad gallwch un ai:
- wneud cwyn drwy’r safle hwn
- ffonio BBC Gwybodaeth ar 03700 100 222
(cyfradd y DU sy’n costio dim rhagor na rhifau daearyddol 01/02; gellir recordio galwadau ar gyfer hyfforddiant) - neu ysgrifennu at Cwynion y BBC, Blwch Post 1922, Glasgow G2 3WT
Os ydy’n well gennych chi ysgrifennu’n uniongyrchol at y rhaglen, y sianel neu’r adran sy’n gyfrifol byddwn yn delio â’ch cwyn yn yr un ffordd. Gallwch hefyd wneud cwyn i’r rheoleiddiwr darlledu Ofcom am safonau golygyddol mewn darllediadau radio a theledu (ond nid eitemau arlein na’r World Service). Mae Ofcom yn cymryd cwynion am faterion yn ymwneud â’r BBC heblaw diddueddrwydd, anghywirdeb a rhai materion masnachol sy’n parhau yn gyfrifoldeb i Ymddiriedolaeth y BBC. Ymwelwch â safle Ofcom i ddarllen am ei gyfrifoldebau ac ynglyn a sut i wneud cwyn.
Rydym yn monitro ac yn adrodd yn gyhoeddus am y cwynion a dderbyniwn ac yn dysgu’r gwersi sydd ynddyn nhw er mwyn gwella ein rhaglenni a’n gwasanaethau.
Cam 1: Beth sy’n digwydd gyntaf pan fyddaf yn gwneud cwyn?
- Rydym yn anelu i ymateb i chi o fewn 10 diwrnod gwaith gan ddibynnu ar natur eich cwyn. Rydym hefyd yn cyhoeddi ymatebion cyhoeddus i faterion sydd o ddiddordeb eang ar y wefan hon.
- Os ydym ni wedi gwneud camgymeriad byddwn yn ymddiheuro ac yn cymryd camau i atal yr un peth rhag digwydd eto.
- Os nad ydych yn fodlon gyda’n hymateb cyntaf, cysylltwch gyda’r unigolyn a oedd yn gyfrifol am yr ymateb gan egluro pam a gofynnwch am ateb pellach i’r gwyn.
Cam 2: Os nad wyf yn fodlon gyda’r ail ymateb, beth yw’r cam nesaf?
- Os ydych yn teimlo nad ydy’r ail ymateb a gawsoch dal yn ateb eich cwyn yn ddigonol, byddwn yn eich cynghori sut i fynd â’r mater i’r cam nesaf yma. Dylech wneud hyn fel rheol o fewn 20 diwrnod gwaith.
- Os yw’n ymwneud ag eitem benodol sydd yn eich barn chi wedi mynd yn groes i’n safonau golygyddol a chafodd ei darlledu neu ei gyhoeddi gan y BBC, bydd fel arfer yn cael ei gyfeirio i’r Uned Gwynion Golygyddol. Bydd yr Uned yn cynnal ymchwiliad annibynnol i’ch cwyn (fel arfer yn ysgrifenedig) i benderfynu a ydy’r gwyn yn un dilys ac, os felly, yn sicrhau bod y BBC yn gweithredu’n briodol o ganlyniad.
- Bydd cwynion eraill sy’n cyrraedd y pwynt yma fel arfer yn cael eu cyfeirio at reolwyr yr adran sy’n gyfrifol. Am fanylion llawn am brosesau cwynion y BBC ewch i safle Ymddiriedolaeth y BBC.
Cam 3: Os ydw i’n parhau i gredu bod y BBC yn anghywir, beth yw’r cam nesaf?
- Mae Ymddiriedolaeth y BBC yn sicrhau bod cwynion yn cael eu trin yn gywir gan y BBC a bod y drefn gwynion yn adlewyrchu’r arferion gorau a chyfleoedd i ddysgu.
- O fewn 20 diwrnod gwaith i’r ymateb i chi yng Ngham 2, gallwch ofyn i Ymddiriedolaeth y BBC ystyried apêl yn erbyn y canlyniad. Os ydy Ymddiriedolaeth y BBC yn cefnogi apêl bydd yn disgwyl i reolwyr y BBC gymryd sylw o’r canlyniad.
- Gallwch ysgrifennu at Ymddiriedolaeth y BBC yn 180 Great Portland Street, Llundain W1W 5QZ. Mae manylion llawn am y prosesau cwyno ac apeliadau ar safle Ymddiriedolaeth y BBC.
Rydym yn anelu i drin pob achwynydd gyda pharch ac rydym hefyd yn disgwyl yr un ystyriaeth tuag at ein staff sy’n delio gyda chwynion..
© MMIX