BBC Careers

Rydym yn hysbysebu ein holl swyddi gwag, ac eithrio aseiniadau llawrydd byrdymor, ar wefan Gyrfaoedd y BBC. Ewch i'r dudalen chwilio a gwneud cais.

Unwaith y byddwch wedi gwneud cais am swydd, cewch e-bost yn dweud ein bod wedi derbyn eich cais. Bydd ein tîm Recriwtio yn adolygu'r cais ac yn ei gymharu yn erbyn meini prawf y rôl, gan weithio gyda'r rheolwr recriwtio i ddewis ystod o ymgeiswyr a gaiff eu gwahodd i gyfweliad.

Mae'r cam nesaf yn cynnwys cyfweliadau â'r rheolwr llinell ac aelodau o'r tîm rydych am ymuno ag ef. Rydym wedi llunio rhai awgrymiadau i'ch helpu i baratoi ar gyfer cyfweliad gyda'r BBC. Yn dibynnu ar y rôl rydych wedi gwneud cais amdani, efallai y caiff ystod o brofion technegol, proffesiynol neu seicometreg eu defnyddio i asesu eich gwybodaeth, eich sgiliau a'ch profiad.

Os byddwch yn llwyddiannus ar y cam hwn, byddwn yn eich ffonio i roi gwybod i chi. Os na fyddwch yn llwyddiannus yn y cyfweliad, byddwn yn ceisio rhoi adborth i chi ar eich perfformiad. Yn anffodus, oherwydd nifer y ceisiadau rydym yn eu cael, ni allwn gynnig adborth i ymgeiswyr nad ydynt yn cyrraedd y cam cyfweld.

Gan fod cymaint o rolau gwahanol ar gael yn y BBC, mae'r broses recriwtio yn wahanol ar gyfer rolau gwahanol. Mae'r rhan fwyaf o rolau llawrydd, yn arbennig ym maes cynhyrchu teledu a radio, yn dilyn proses ar wahân. Rhagor o wybodaeth.

Dychwelyd i'r fersiwn Saesneg o'r dudalen hon

Return to the English language version of this page