BBC navigation

ရွေးကောက်ပွဲ ရွှေ့ရေး ထိုင်းအစိုးရ ဆွေးနွေးလို

နောက်ဆုံး ရေးသားချိန် 13 ဇန်နဝါရီလ 2014 - 12:34 GMT

နိုင်ငံရေး ပြောင်းလဲဖို့ ပိတ်ဆို့ ဆန္ဒပြ

ဘန်ကောက်မှာ အကြီးအကျယ် လမ်းပိတ်ဆို့ ဆန္ဒပြမှုတွေ ဆက်လုပ်နေချိန်မှာ ရွေးကောက်ပွဲ ရက်ရွှေ့ရေး ဆွေးနွေးမယ်လို့ ထိုင်းအစိုးရက ပြောပါတယ်။

ဝန်ကြီးချုပ် ယင့်လတ် ရှင်နာဝပ်က လာမယ့်လမှာ ကျင်းပမယ့် အထွေထွေ ရွေးကောက်ပွဲ ရက်ရွှေ့ဆိုင်းရေး ကိစ္စအတွက် အတိုက်အခံတွေ အပါအဝင် ပါတီအားလုံးနဲ့ လာမယ့် ၁၅ ရက်နေ့မှာ ဆွေးနွေးမယ်လို့ ကမ်းလှမ်းလိုက်တာပါ။

သောင်းနဲ့ချီတဲ့ ဆန္ဒပြသူတွေက ဘန်ကောက် မြို့လယ်ခေါင်က လူသွားလူလာ များပြီး အချက်အချာ ကျတဲ့ လမ်းဆုံ နေရာတွေကို ပိတ်ဆို့ပြီး အသွားအလာတွေ ရပ်တန့်သွားအောင် လုပ်ခဲ့ကြပါတယ်။

ရွေးကောက်ပွဲ အသစ်တွေ မလုပ်ခင် ပြည်သူ့ ကိုယ်စားပြု ကိုယ်စားလှယ်တွေ ပါတဲ့ ပြည်သူ့ည ကောင်စီက တိုင်းပြည်ကို အုပ်ချုပ်ပြီး နိုင်ငံရေး အပြောင်း အလဲတွေ လုပ်ဖို့ လိုလား နေကြတဲ့ ဆန္ဒပြသူတွေကို ဝန်ကြီးချုပ်ရဲ့ ကမ်းလှမ်းမှုက စိတ်ကျေနပ်စေမှာ မဟုတ်ဘူးလို့ ဘန်ကောက်က ဘီဘီစီ သတင်းထောက်က ပြောပါတယ်။

ဒီသတင်းနဲ့ ပတ်သက်သမျှ

ဆက်စပ်အကြောင်းအရာများ

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။