BBC navigation

ဂျပန် စက်ရုပ်ငယ် အာကာသမှာ စကား ပြောပြီ

နောက်ဆုံး ရေးသားချိန် 20 ဒီဇင်ဘာလ 2013 - 13:37 GMT

ဂျပန် အာကာသယာဉ်မှူးနဲ့ စကားပြောတဲ့ စက်ရုပ်ငယ်။

ကမ္ဘာပေါ်မှာ ပထမဆုံး တီထွင် ထုတ်လုပ် ခဲ့တဲ့ စက်ရုပ် အာကာသ ယာဉ်မှူးလေးဟာ အာကာသ ထဲမှာ စကား စပြောပြီလို့ ဂျပန်နိုင်ငံက ပြော ကြားပါတယ်။

ကီရိုဘို လို့ နာမည်ပေးထားတဲ့ ဒီစက်ရုပ်လေးကို ပြီးခဲ့တဲ့ သြဂုတ်လက ဂျပန်ကနေ အာကာသကို လွှတ်တင်လိုက်တာဖြစ်ပြီး အခုတော့ စက်ရုပ်လေးဟာ နိုင်ငံတကာ အာကာသ စခန်းကို ရောက်ရှိသွားပြီ ဖြစ်ပါတယ်။

အာကာသစခန်းက ဂျပန် အာကာယာဉ်မှူး အရာရှိ ကိုအိချိ ဝါကာတာကို စက်ရုပ်လေးကနေ စကားပြောနေတာကို ဗီဒီယိုကနေတဆင့် တွေ့ရပါတယ်။

ကီရိုဘိုရဲ့ ပြောစကားတွေဟာ တင်ကြိုပြီး ပရိုဂမ်ရေးဆွဲထားတဲ့ စကား မဟုတ်ဘဲ လူတွေလိုပဲ အခြေအနေကို ကြည့်ပြီး ပြန်လည် တုံ့ပြန် ပြောကြားတာသာ ဖြစ်တယ်လို့ ဒီစက်ရုပ်ကို တီထွင်သူတွေက ပြောပါတယ်။

တီထွင်သူတွေကတာ့ ကီရိုဘိုနဲ့ အလားတူ တခြား စက်ရုပ်တွေနဲ့ ပက်သတ်ပြီး အနာဂတ်အတွက် အများကြီး စဉ်းစားထားတာတွေ ရှိတယ်လို့ ဆိုပါတယ်။

အခုလို အာကာသစခန်းမှာ ရှိနေတဲ့ သူတွေအတွက် စကားပြောဖော်ရအောင် အတွက်သာ မကဘဲ ကမ္ဘာ့ပေါ်က သက်ကြီးရွယ်အိုတွေ နဲ့ အထီးကျန်နေတဲ့ လူတွေအတွက်ပါ ရည်ရွယ်ထားတယ်လို့ ပြောပါတယ်။

ဒီသတင်းနဲ့ ပတ်သက်သမျှ

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။