ဂရိမှာ ခြိုးခြံရေး အစီအမံကို အတည်ပြု

ဂရိ ပါလီမန်

ဂရိ နိုင်ငံ မှာတော့ အစိုးရရဲ့ အငြင်းပွား ဖွယ်ရာ ခြိုးခြံ ချွေတာရေး အစီအမံသစ် တွေကို ပါလီမန်က အတည်ပြုပေး လိုက်ပြီ ဖြစ်ပါတယ်။

ဒါကတော့ ယူရိုဇုန်နဲ့ နိုင်ငံတကာ ငွေကြေး ရန်ပုံငွေ အဖွဲ့တွေ ယူရို ၁၃၀ ဘီလီယံ ကူငွေ တွေပေးဖို့ အတွက် တောင်းဆိုထားချက်တွေ အတိုင်း လုပ်ခဲ့ကြ တာလဲ ဖြစ်ပါတယ်။

ဒီ ခြိုးခြံ ချွေတာ ရေး အစီအမံ သစ်တွေနဲ့ ပတ်သက်လို့ မဲခွဲ ဆုံးဖြတ်ဖို့ ပါလီမန် အတွင်းမှာ အမတ်တွေ အကြား ဆွေးနွေး နေကြစဉ် မှာပဲ ပါလီမန် အပြင်ဘက် မှာလဲ ဆန္ဒပြသူ တွေနဲ့ ရဲတွေ အကြား တိုက်ခိုက် မှုတွေ ဖြစ်ခဲ့ ကြပါတယ်။ ရဲတွေ ဘက်က မျက်ရည်ယို ဗုံးတွေ သုံးခဲ့သလို ဆန္ဒပြသူ တွေဘက်ကလဲ ခဲတွေ၊ ဓာတ်ဆီဗုံးတွေ၊ မီးကျည်တွေနဲ့ ပြန်ပစ်ခဲ့ ကြပါတယ်။ လူတချို့ ထိခိုက် ဒဏ်ရာတွေ ရရှိခဲ့ သလို အဆောက်အအုံ တချို့လဲ မီးတင်ရှို့ ခံခဲ့ရပါတယ်။ ဒီတခါ တိုက်ခိုက်မှုတွေက တော့ ၂၀၀၈ ခုနှစ် ကစပြီး အဆိုးဝါးဆုံး လဲ ဖြစ် ပါတယ်။

ဂရိ နိုင်ငံရဲ့ ဝန်ကြီးချုပ် လူးကပ်စ် ပါပါ ဒမ်းမို့စ်က တော့ အားလုံး ထိန်းထိန်းသိမ်းသိမ်း ရှိကြဖို့ တိုက်တွန်း ထားပြီး ဒီလို တိုက်ခိုက်မှုမျိုး တွေဟာ ဒီမိုကရေစီ မဆန်ဘူး လို့ဆိုလိုက် ပါတယ်။