ဆိုမာလီပြန်ပေးလက်က လွတ်မြောက်လာတဲ့ ဓားစာခံ ၂ ဦး
ဆိုမာလီးယားနိုင်ငံမှာ ပြန်ပေးဆွဲ ခံထား ရတဲ့ အနောက်နိုင်ငံသား ပရဟိတ အဖွဲ့ဝင် နှစ်ဦးကို အမေရိကန် အထူးတပ်တွေက ဝင်ရောက်ကယ်ဆယ်လိုက်ကြပါတယ်။
ဆိုမာလီးယား အလယ်ပိုင်းက ဝေးလံတဲ့ ချုံတောဒေသတခုဆီကို အမေရိကန် နေဗီဆီးလ် ရေတပ်သားတွေ ညအမှောင်မှာ လေထီးနဲ့ ဆင်းပြီး အမေရိကန် အမျိုးသမီး တဦးနဲ့ ဒိန်းမတ် အမျိုးသား တဦးကို သေနတ် သမားတွေ လက်က ကယ်ဆယ် လိုက်တာပါ။
ပြန်ပေး သေနတ်သမား ရှစ်ယောက်ကို ပစ်သတ်ခဲ့ပြီး ပြန်ပေးဆွဲခံနေရသူတွေကို အိမ်နီးချင်း ဂျီဘူတီနိုင်ငံက အမေရိကန် စစ်စခန်းတခုဆီကို ခေါ်သွားခဲ့ကြပါတယ်။
ဒိန်းမတ် နိုင်ငံခြားရေး ဝန်ကြီး ဗင်လ်လီ ဆဗွန်ဒါကလဲ အမေရိကန်တွေကို ကျေးဇူးတင် ကြောင်း ပြောပါတယ်။
အမေရိကန်တပ်တွေက အခုလို စစ်ဆင်ရေး လုပ်ရတာက ပြန်ပေးဆွဲခံရသူ တယောက်ရဲ့ ကျန်းမာရေးက တော်တော်ဆိုးနေလို့ ဖြစ်တယ်လို့ ပြောသွားပါတယ်။
ပြန်ပေးဆွဲခံခဲ့ရသူ နှစ်ယောက်ဟာ ဒိန်းမတ် မိုင်းရှင်းရေး ပရဟိတအဖွဲ့ တခုနဲ့ အလုပ်လုပ် နေတုန်း ပြီးခဲ့တဲ့ အောက်တိုဘာလက အဖမ်းခံခဲ့ရတာ ဖြစ်ပါတယ်။
~RS~a~RS~burmese~RS~q~RS~~RS~z~RS~47~RS~){kind=small}
© 2012