ရုရှား အတိုက်အခံ ခေါင်းဆောင် Boris Nemtsov လည်း ဖမ်းဆီးထိန်းသိမ်းခံရ
ရုရှာနိုင်ငံ မော်စကိုမြို့မှာ ရွေးကောက်ပွဲ ကျင်းပပြီး ဒုတိယမြောက် နေ့မှာ ဆက်လက် ဆန္ဒပြနေရာမှာ လူပေါင်း ၂၅ဝ လောက်ကို ဖမ်းဆီး ထိန်းသိမ်းခဲ့တယ်လို့ ရဲက ပြောပါတယ်။
အတိုက်အခံ ခေါင်းဆောင် Boris Nemtsov ကိုလည်း ဖမ်းဆီး ထိန်းသိမ်းခဲ့ပြီး နောက်ပိုင်းမှာ ပြန်လွှတ်ပေးခဲ့တယ်လို့ သိရပါတယ်။
ဝန်ကြီးချုပ် ဗလာဒီမာ ပူတင်ရဲ့ ပါတီကို ဘက်လိုက်ပြီး မဲလိမ်မှုတွေ ရှိခဲ့တယ်လို့ ပြောနေတဲ့ တနင်္ဂနွေနေ့တုန်းက ကျင်းပတဲ့ ရွေးကောက်ပွဲ ရလဒ်တွေကို ဆန့်ကျင်တဲ့ လူထု စုဝေး ဆန္ဒပြမှုဟာ တရားဝင် အသိအမှတ်ချက်နဲ့ ကျင်းပတာ မဟုတ်ဘူးလို့ ဆိုပါတယ်။
ရာနဲ့ချီတဲ့ ပူတင်ကို ထောက်ခံတဲ့ လူငယ်တွေကလည်း ရုရှားနိုင်ငံ အနှံ့အပြား ကနေ မော်စကို မြို့တော်ကို ရောက်လာကြပြီး ပူတင်ကို ထောက်ခံကြောင်း ပြသခဲ့ပါတယ်။
ရုရှား ရွေးကောက်ပွဲနဲ့ ပတ်သက်လို့ အမေရိကန် ပြည်ထောင်စုရဲ့ ဝေဖန်ချက်ဟာ လက်ခံနိုင် စရာ မရှိဘူးလို့ ရုရှား နိုင်ငံခြားရေး ဝန်ကြီး ဌာနက ပြောပါတယ်။
~RS~a~RS~burmese~RS~q~RS~~RS~z~RS~03~RS~){kind=small}
