ဆီးရီးယား အရေး တက်ကြွ လှုပ်ရှားသူတွေ အပျောက်ရှင်း ခံရ

ဆီးရီးယားက ဆန္ဒပြသူတွေ

ဆီးရီးယား နိုင်ငံ Homs မြို့မှာ အရပ်သား အနည်းဆုံး ၃၄ယောက် ပြန်ပေးဆွဲ ခံခဲ့ ရပြီး အသတ်ခံခဲ့ ရတယ်လို့ ဆီးရီးယား အရေး တက်ကြွ လှုပ်ရှားသူတွေက ပြောပါတယ်။

အခု ပြန်ပေးဆွဲ သတ်ဖြတ် ခံရသူတွေဟာ သမ္မတ ဘတ်ရှား အယ် အာဆက်ဒ်ကို ဆန့်ကျင်တဲ့ ဒေသမှာ ဖမ်းဆီး ခံခဲ့ရတာ ဖြစ်တယ်လို့ ယူကေ အခြေစိုက် Syrian Observatory for Human Rights အဖွဲ့က ပြောပါတယ်။

သမ္မတ အာဆက်ကို သစ္စာခံ တပ်ဖွဲ့တွေက ဟော်မ်စ်မြို့ကို သိမ်းထားတာ လာအတော်ကြာ သွားပါပြီ။

အစောပိုင်းတုန်းကလည်း အာရပ် အဖွဲ့ချုပ်က လေ့လာ စုံစမ်းရေးမှူးတွေကို နိုင်ငံတွင်း ဝင်ခွင့်ပေးရမယ် ဆိုတဲ့ သဘောတူညီချက်ကို လက်မှတ်ထိုးဖို့ အသင့်ဖြစ်နေပါပြီလို့ ဆီးရီးယား အစိုးရက ကြေညာခဲ့ပါတယ်။

ဒါကို အာရပ် အဖွဲ့ချုပ်က မတုန့်ပြန်ရသေးဘဲ ဆီးရီးယား အစိုးရ ဘယ်လောက် ခွင့်ပြုချက်တွေ လိုက်လျောမလဲ ဆိုတဲ့ အခြေအနေကို စောင့်ကြည့်ပြီးတော့မှ လေ့လာ စုံစမ်းသူတွေကို စေလွှတ်မယ်လို့ အာရပ်အဖွဲ့ချုပ်က ပြောခွင့်ရသူက ဆိုပါတယ်။