လူနေ ထူထပ်တဲ့နေရာမှာ မီးလောင်မှု ဖြစ်ခဲ့
ဘင်္ဂလားဒေ့ရှ်နိုင်ငံ ဒက္ကားမြို့တော်က လူနေ အထူထပ်ဆုံး ရပ်ကွက်တခုမှာ အဆောက်အအုံ အတော်များများ မီးစွဲလောင်ခဲ့ရာမှာ အနည်းဆုံး လူ ၁၀၈ ဦး သေဆုံးခဲ့ပြီး လူ ၁၀၀ ကျော်လောက် လည်း ဒဏ်ရာရသွားပါတယ်။
လျှပ်စစ် ထရန်စဖေါ်မာအိုး ထပေါက်ရာကနေ မီးစလာင်ခဲ့ပြီး လူနေတိုက်ခန်းတွဲတွေနဲ့ ဆိုင်ခန်းတွေကို မီးစွဲလောင်ခဲ့ပါတယ်။
အခုအခါ မီးလောင်မှုကို ထိန်းချုပ်လိုက်နိုင်ပြီလို့ မီးသတ်သမားတွေက ပြောပါတယ်။
မီးလောင်မှုဟာ ဒက္ကားမြို့မှာ ဖြစ်ရိုး ဖြစ်စဉ် ဖြစ်ပေမဲ့ ဒီမီးလာင်မှုကတော့ နှစ်အတော်ကြာ အတွင်းမှာ အကြီးမားဆုံးနဲ့ အဆိုးဝါးဆုံး ဖြစ်တယ်လို့ အကဲခတ်တွေက ပြောပါတယ်။
ဒက္ကားမြို့ဟာ ကမ္ဘာပေါ်မှာ လူနေ အထူထပ်ဆုံး မြို့တွေထဲမှာ တခု အပါအဝင် ဖြစ်ပြီး အခု မီးလောင်မှု ဖြစ်ခဲ့တဲ့ နင်တိုလီ ရပ်ကွက်ဟာလည်း ဒက္ကားမြို့မှာ လူနေ အထူထပ်ဆုံး ရပ်ကွက် ဖြစ်တယ်လို့ ဒက္ကားမြို့မှာရှိတဲ့ ဘီဘီစီ သတင်းထောက်က ပြောပြပါတယ်။
အဆောက်အအုံတခုရဲ့ အမိုးပေါ်မှာ ကျင်းပနေတဲ့ မင်္ဂလာ ဧည့်ခံပွဲတခုကိုလည်း မီး ပျံ့နှံ့ လောင်ကျွမ်းသွားခဲ့ပါတယ်။
ဧည့်ခံပွဲကနေ ခဏလေး ထွက်သွားခဲ့တဲ့ သတို့သမီး က အသက်ဘေးက သီသီလေး လွတ်သွားခဲ့ပေမဲ့ ဧည့်သည် အတော်များများကတော့ မီးလောင်သေဆုံးခဲ့ပါတယ်။
မီးလောင်မှုအတွင်း အနည်းဆုံး အဆောက်အအုံ ၇ခု မီးစွဲလောင်ခဲ့တယ်လို့ မီးသတ်ဌာန အကြီးအကဲက ပြောပါတယ်။
~RS~a~RS~burmese~RS~q~RS~~RS~z~RS~43~RS~){kind=small}
