BBC navigation

ကေအိုင်အိုနဲ့ အစိုးရ ပူးတွဲ ကြေညာချက် ထုတ်ပြန်

နောက်ဆုံး ရေးသားချိန် 12 မတ်လ 2013 - 17:33 GMT

ဖေဖေါ်ဝါရီလ တုန်းကလည်း ရွှေလီမှာ နှစ်ဘက် ဆွေးနွေး မှုတွေ ပြုလုပ်ခဲ့ပါတယ်

ကချင် လွတ်မြောက်ရေး အဖွဲ့ (ကေအိုင်အို) နဲ့ အစိုးရ ငြိမ်းချမ်းရေး ဖေါ် ဆောင်ရေး လုပ်ငန်း အဖွဲ့ တို့ ငြိမ်းချမ်းရေး အတွက် ဆက်လက် လုပ်ဆောင်ဖို့ အင်္ဂါနေ့ မှာ ပူးတွဲ ကြေညာချက် တစ်စောင် ထုတ်ပြန်ခဲ့ ပါတယ်။

ကြေညာချက် ထဲမှာ စစ်မှန်တဲ့ နိုင်ငံရေး ဆွေးနွေး ပွဲတွေ ဖြစ်ဖို့၊ ခိုင်မာတဲ့ အပစ်ခတ် ရပ်စဲရေး အတွက် ဆက်လက် ဆောင်ရွက်ဖို့နဲ့ တိုက်ပွဲတွေ မဖြစ်တော့အောင် နှစ်ဖက် စလုံးက အောက်ခြေ အဆင့် အထိ ညွှန်ကြားချက်တွေ အမိန့်တွေ ထုတ်ပြန် သွားဖို့ ကို သဘောတူ ခဲ့ပါတယ်။

တိုက်ပွဲ ဖြစ်နိုင်တဲ့ ရှေ့တန်း စစ်မြေပြင် များကို ကွင်းဆင်း လေ့လာ စောင့်ကြည့် နိုင်ရေးနဲ့ ညှိနှိုင်း ဆောင်ရွက် နိုင်ရေး အတွက် စောင့်ကြည့်ရေး ရုံးတွေ ထားဖို့ ကိုလည်း သဘောတူခဲ့ ပါတယ်။ နောက် တကြိမ် ဆွေးနွေးပွဲကို လာမယ့် ဧပြီလ ၁ဝ ရက်နေ့ မတိုင်မီ ကျင်းပမယ် လို့လည်း ပူးတွဲ ကြေညာခဲ့ ပါတယ်။

ငြိမ်းချမ်းရေး အတွက် နှစ်ဘက် ဆွေးနွေးမှု တွေကို တရုတ် နိုင်ငံ ရွှေလီမြို့မှာ တနင်္လာနေ့က ပြုလုပ်ခဲ့ ပြီးနောက် အခုလို ကြေညာချက် ထုတ်ပြန် လိုက်တာ လည်း ဖြစ်ပါတယ်။

အခု ပူးတွဲ ကြေညာချက် အပေါ် ပြည်သူ့ လွှတ်တော် တိုင်းရင်းသား ရေးရာနဲ့ ပြည်တွင်း ငြိမ်းချမ်းရေး ဖေါ်ဆောင်မှု ကော်မတီ အတွင်းရေးမှူး ဒေါ်ဒွဲဘူက ကြိုဆို လိုက် ပါတယ်။

ဒီသတင်းနဲ့ ပတ်သက်သမျှ

ဆက်စပ်အကြောင်းအရာများ

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။