BBC navigation

သမ္မတ ဦးသိန်းစိန်ရဲ့ တရုတ်နိုင်ငံ ခရီးစဉ်

နောက်ဆုံး ရေးသားချိန် 18 စက်တင်ဘာလ 2012 - 16:40 GMT
U Thein Sein

တရုတ် နိုင်ငံနဲ့ ဆက်ဆံရေး အားကောင်း လာအောင် လုပ်ဆောင်ဖို့ ရည်ရွယ်

နယူးယောက်မြို့ ကုလသမဂ္ဂ ညီလာခံကို ရှေ့အပတ်ထဲ သွားတက်မယ့် မြန်မာသမ္မတ ဦးသိန်းစိန်ဟာ အင်္ဂါနေ့မှာ တရုတ်နိုင်ငံကို အလည်အပတ် ရောက်ရှိ သွားပါတယ်။

သမ္မတရဲ့ ခရီးစဉ်ဟာ တရုတ် နိုင်ငံနဲ့ ဆက်ဆံရေးကို အားကောင်း လာအောင် လုပ်ဆောင်ဖို့ ရည်ရွယ်တဲ့ ခရီးစဉ် ဖြစ်တယ်လို့ ဘီဘီစီ သတင်းထောက်က ပြောပါတယ်။

တရုတ်နိုင်ငံ ဟာ မြန်မာနိုင်ငံရဲ့ အဓိက အရေးအကြီး ဆုံးသော ကုန်သွယ်ဖက် နိုင်ငံ ဖြစ်ပြီး မြန်မာ အပေါ် သြဇာ အရှိဆုံး နိုင်ငံလည်း ဖြစ်ပါတယ်။

မြန်မာ အစိုးရဟာ အနောက်နိုင်ငံတွေနဲ့ အထီးကျန် နေခဲ့မှုတွေကို အဆုံးသတ်ပြီး ပြုပြင် ပြောင်းလဲမှုတွေ လုပ်ဆောင် လာနေပေမယ့်လည်း တရုတ်နဲ့ ဆက်ဆံရေးကို ပိုကောင်းအောင် လုပ်ဆောင် နေတာ ဖြစ်တယ်လို့ သတင်းထောက်က ပြောပါတယ်။

တရုတ် အနေနဲ့ သူတို့ အတွက် တန်ဖိုး ရှိလှတဲ့ မြန်မာနိုင်ငံကို လက်မလွှတ်ရဘူး ဆိုတာကို အခု သမ္မတ ဦးသိန်းစိန်ရဲ့ ခရီးစဉ်က သေချာစေမှာ ဖြစ်တယ်လို့ ဆိုပါတယ်။

ဒီသတင်းနဲ့ ပတ်သက်သမျှ

ဆက်စပ်အကြောင်းအရာများ

BBC © 2014 ပြင်ပ အင်တာနက်ဆိုက်များတွင် ပါဝင်သော အကြောင်းအရာ များကို ဘီဘီစီကတာဝန် မယူပါ

ဤစာမျက်နှာကို CSS ဖွင့်ထားသော နောက်ဆုံးပေါ် internet browserနဲ့ အကောင်းဆုံး ကြည့်နိုင်ပါတယ်။ အကောင်းဆုံး ကြည့်နိုင်ဖို့ ကိုယ့် browser ကို အဆင့်မြှင့်နိုင်ရင်မြှင့်ပါ၊ CSS ကိုဖွင့်ထားရင်လည်း အဆင်ပြေနိုင်ပါတယ်။