သမ္မတ ဦးသိန်းစိန်နဲ့ တွေ့ဆုံပြီး နှစ်နိုင်ငံ ကိစ္စရပ်တွေကို အပြန်အလှန်ဆွေးနွေးမယ်
ဘင်္ဂလားဒေ့ရှ် ဝန်ကြီးချုပ် ရှိတ်ဟာဆီနာ ဟာ မြန်မာသမ္မတ ဦးသိန်းစိန်ရဲ့ ဖိတ်ကြား ချက်အရ၊ ၃ ရက်ကြာ အလည်အပတ် ခရီးစဉ်အဖြစ် တနင်္လာနေ့မှာ မြန်မာနိုင်ငံ ကို ရောက်ရှိလာပြီ ဖြစ်ပါတယ်။
ဒါဟာ ဘင်္ဂလားဒေ့ရှ်နိုင်ငံ ဝန်ကြီးချုပ်တဦးရဲ့ ၈ နှစ်အတွင်း ပထမဦးဆုံး မြန်မာနိုင်ငံ ခရီးစဉ် ဖြစ်ပါတယ်။
မနက်ဖြန်မှာတော့ မြန်မာသမ္မတ ဦးသိန်းစိန်နဲ့ တွေ့ဆုံပြီး နှစ်နိုင်ငံ ကိစ္စရပ်တွေ ကို အပြန်အလှန်ဆွေးနွေးမယ်လို့ သိရပါတယ်။
နှစ်နိုင်ငံ စီးပွားရေး ပူပေါင်း ဆောင်ရွက်မှုနဲ့ ရင်နှီးမြှုပ်နှံမှုဆိုင်ရာ အကာအကွယ်ပေးရေး ကိစ္စရပ်တွေ အတွက် သဘောတူညီမှုတွေမှာ လက်မှတ်ရေးထိုးကြဖို့လည်း ရှိပါတယ်။
အဲဒီနောက်မှာတော့ နေပြည်တော်မှာ တည်ဆောက်မယ့် ဘင်္ဂလားဒေ့ရှ် သံရုံးအတွက် အုတ်မြစ်ချမယ်လို့ သိရပါတယ်။
ဘင်္ဂလားဒေ့ရှ်နဲ့ မြန်မာ၊ နှစ်နိုင်ငံ ဆက်ဆံရေးဟာ ယေဘုယျအားဖြစ်တော့ ချစ်ကြည်ရင်းနှီး မှု ရှိကြပေမယ့်၊ မြန်မာနိုင်ငံက ဒုက္ခသည်တွေ သူတို့ဘက်ကို စုပြုံ ရောက်လာ တာတွေ ရှိတယ်ဆိုပြီး ဘင်္ဂလားဒေ့ရှ်ဘက်က ပြောဆိုတာတွေ ရှိခဲ့ဖူးပါတယ်။
မကြာသေးခင်ကလည်း နှစ်နိုင်ငံ ရေပိုင်နက် အငြင်းပွားမှု ဖြစ်ပွားခဲ့ ပါသေးတယ်။
~RS~a~RS~burmese~RS~q~RS~~RS~z~RS~56~RS~){kind=small}
