ပါတီ အမှတ်တံဆိပ်ဖြစ်တဲ့ ခမောက်ပုံကိုလည်း ပြောင်းလဲမယ်
အမျိုးသားဒီမိုကရေစီအဖွဲ့ချုပ် NLD ပါတီ အထွေထွေ အတွင်းရေးမှူး ဒေါ်အောင်ဆန်းစုကြည်ဟာ လာမယ့် ကြားဖြတ်ရွေးကောက်ပွဲမှာ လွှတ်တော် ကိုယ်စားလှယ်လောင်းအဖြစ် ဝင်ရောက် ယှဉ်ပြိုင် အရွေးခံမှာ ဖြစ်တယ်လို့ ပါတီ ပြောခွင့်ရ ဦးဉာဏ်ဝင်းက ပြောပါတယ်။
ဒါပေမယ့်လည်း ဘယ် မဲဆန္ဒ နယ်မြေကနေ ပါဝင်မယ် ဆိုတာကတော့ မဆုံးဖြတ်ရသေး ဘူးလို့ သိရပါတယ်။
ပါတီမှတ်ပုံပြန်တင်တဲ့အခါမှာတော့ NLD ပါတီ ဖွဲ့စည်းပုံ၊ မူဝါဒတွေကို ပြင်ဆင်ဖို့ရှိပြီး၊ ပါတီ အမှတ်တံဆိပ်ဖြစ်တဲ့ ခမောက်ပုံကိုလည်း ပြောင်းလဲမှာဖြစ်ပါတယ်။
ဒါပေမယ့် ပါတီအမည်ကိုတော့ အခုအတိုင်း ထားရှိမှာ ဖြစ်တယ်လို့ ဦးဉာဏ်ဝင်းက ပြောပါတယ်။
ပါတီမှတ်ပုံတင်ဖို့ကိုတော့ မကြာခင် ရက်ပိုင်းအတွင်း အကောင်အထည်ဖေါ်တော့မှာ ဖြစ်တယ်လို့လည်း သူကပြောပါတယ်။
ကြားဖြတ်ရွေးကောက်ပွဲမှာ NLD အနေနဲ့ လူငယ်တွေနဲ့ တိုင်းရင်းသားတွေကို ဦးစားပေး ဝင်အရွေးခံစေမှာ ဖြစ်ပြီး၊ ပါတီအပြင်က ဒီမိုကရေစီအရေး လှုပ်ရှားနေကြတဲ့ တခြား လူငယ်နိုင်ငံရေး တက်ကြွသူတွေကိုလည်း ဖိတ်ခေါ်မှာ ဖြစ်ပါတယ်။
~RS~a~RS~burmese~RS~q~RS~~RS~z~RS~29~RS~){kind=small}
