စပါးစိုက် တောင်သူများ
ဒီမိုကရေစီ မိတ်ဆွေ ပါတီများက ၁၀ ပါတီ စုပေါင်းပြီး လယ်သမားတွေ အရေးနဲ့ ပတ်သက်ပြီး တနင်္ဂနွေနေ့တုန်းက ရန်ကုန်မြို့မှာ ဆွေးနွေး ခဲ့ကြ ပါတယ်။
လယ်လုပ်သူ လယ်ပိုင်ရေးကိစ္စ၊ လယ်သမားတွေ လယ်သိမ်း ခံနေရတဲ့ကိစ္စ၊ ပဲတောင်သူတွေ အရှုံးပေါ်နေတဲ့ ကိစ္စတွေနဲ့ပတ်သက်ပြီး ဆွေးနွေးခဲ့ကြ တယ်လို့ ဒီမိုကရက်တစ် ပါတီ (မြန်မာ) က အတွင်းရေးမှူးချုပ် ဒေါ်သန်းသန်း နုက ဘီဘီစီကို ပြောပါတယ်။
ဒီမိုကရေစီမိတ်ဆွေပါတီများအဖွဲ့မှာ ဒီမိုကရက်တစ်ပါတီအပြင် အမျိုးသား ဒီမိုကရေစီ အင်အားစု (NDF)၊ ရှမ်း၊ ရခိုင်၊ ချင်း စတဲ့ တိုင်းရင်းသား ပါတီတွေလည်း ပါဝင်ကြပါတယ်။
တောင်သူ လယ်သမားတွေရဲ့ အခွင့်အရေးတွေနဲ့ပတ်သက်ပြီး မိတ်ဆွေ ပါတီများ အဖွဲ့ကနေ အစိုးရဆီကို အကြံပြုတင်ပြသွားဖို့ ရှိတယ်လို့ ဒေါ်သန်းသန်းနုက ပြောပါတယ်။
တောင်သူတွေအနေနဲ့လည်း သူတို့ဆီကို လာပြီး တိုင်တန်းမယ်ဆိုရင် ပါတီတွေ စုပေါင်းပြီး ဆောင်ရွက်ပေးဖို့ ရှိတယ်လို့လည်း သူက ပြောပါတယ်။
~RS~a~RS~burmese~RS~q~RS~~RS~z~RS~11~RS~){kind=small}
