စီအာပီပီ အဖွဲ့
ပြည်သူ့လွှတ်တော် ကိုယ်စားပြု ကော်မတီ စီအာပီပီ ရဲ့ လစဉ် ပုံမှန် အစည်းအဝေးမှာ မြန်မာနိုင်ငံတွင်း နိုင်ငံရေး အပြောင်းအလဲ တွေ ဖြစ်နေတဲ့ အခင်းအကျင်း ကြားမှာ အပြောင်းအလဲ အတွက် ပြင်ဆင်ထားချက် ကို အတွင်းရေးမှူး ဦးအေးသာအောင် နဲ့ ဘီဘီစီ ဆွေးနွေးပါတယ်။
အဓိက အချက် အနေနဲ့ ဒေါ်အောင်ဆန်းစုကြည် နဲ့ သမ္မတ ဦးသိန်းစိန် တို့ရဲ့ ဆွေးနွေးချက် ပေါ် မူတည်ကြောင်း ဦးအေးသာအောင် က ပြောပြပါတယ်။
အစိုးရဖက် က အရင်ဆုံး ပြုပြင်ပြောင်းလဲမှု တွေ ပြသ ဖို့ လိုအပ်တဲ့ နေရာမှာ နိုင်ငံရေး အကျဉ်းသား တွေဖြစ်တဲ့ ဦးခွန်ထွန်းဦး၊ ကိုမင်းကိုနိုင် နဲ့ ကိုကိုကြီး အပြင် ၂ဝဝ၇ ခု သံဃာ့ လှုပ်ရှားမှု အတွင်း ဖမ်းဆီး ထောင်ချထားတဲ့ နိုင်ငံရေး အကျဉ်းသား တွေ ပြန်လွှတ် ပေးဖို့ရယ်၊ တိုင်းရင်းသား လက်နက်ကိုင် အဖွဲ့တွေ နဲ့ တိုက်ပွဲ တွေ ရပ်ပေးဖို့ လိုကြောင်း ဦးအေးသာအောင် က ပြောပါတယ်။
ဒါမှသာ ပြုပြင်ပြောင်းလဲရေး လမ်းစပေါ် ရောက်ပြီ လို့ သတ်မှတ်နိုင်ပြီး စီအာပီပီ ဖက်ကလည်း ပူးပေါင်း ဆောင်ရွက်ဖို့ ရှိကြောင်း ဘီဘီစီ ကို ရှင်းပြပါတယ်။
~RS~a~RS~burmese~RS~q~RS~~RS~z~RS~24~RS~){kind=small}
