အရင် ဝံသာနု NLD ကနေ ခွဲထွက်ပြီး PDP လို့ ခေါ်တဲ့ ပြည်သူ့ ဒီမိုကရေစီပါတီကို ခွဲထွက်ထောင်တာမှာ အခုတော့ ရွေးကောက်ပွဲ ကော်မရှင်က ခွင့်ပြုလိုက်ပြီ ဖြစ်ပါတယ်။
သမ္မတ ဦးသိန်းစိန် ပြောတာတွေ ကောင်းတယ်၊ ဒါပေမဲ့ လက်တွေ့မဖြစ်လို့ ပါတီထောင်တာလို့ဆို
သမ္မတ ဦးသိန်းစိန် နိုင်ငံအခြေပြ မိန့်ခွန်းမှာ ပြောခဲ့တဲ့ အချက်အလက်တွေ အပြင်မှာ တကယ် မဖြစ်တာကို တည့်မတ်ဖို့၊ တခါ အခြေခံ ဥပဒေပါ အခွင့်အရေးတွေ မရဘဲ ပြည်သူ နစ်နာနေတာတွေကို ကာကွယ်ပေးဖို့၊ အခွန်တွေ မကောက်သင့်ဘဲ ကောက်လို့ ပြည်သူတွေ စီးပွားရေး လူမှုရေး နစ်နာနေတာတွေကို ဖြေရှင်းဖို့ ပါတီ ထောင်တာလို့ PDP ပါတီရဲ့ ခေါင်းဆောင် ဒေါက်တာ သန်းထိုက်ဦးက ဘီဘီစီကို ပြောပါတယ်။
တခါ တိုင်းပြည်မှာ ငြိမ်းချမ်းရေးရဖို့အတွက်ဆိုရင် စစ်တပ်ဟာ ဘယ်ပါတီကိုမှ ကျောထောက် နောက်ခံ မပြုရဘူးလို့လည်း သူက ဆိုပါတယ်။
တိုင်းပြည်မှာ ဖြစ်နေတဲ့ နိုင်ငံရေး ပြဿနာတွေကို နိုင်ငံရေးနည်းလမ်းနဲ့ပဲ ဖြေရှင်းရမယ်၊ လက်နက်ကိုင် တိုင်းရင်းသားတွေကလည်း ငြိမ်းချမ်းရေးအတွက် ပါတီထောင် ရွေးကောက်ပွဲဝင်လို့ ဆောင်ရွက်ကြသင့်တယ်လို့ ဒေါက်တာ သန်းထိုက်ဦးက ပြောပါတယ်။
~RS~a~RS~burmese~RS~q~RS~~RS~z~RS~48~RS~){kind=small}
