အီဂျစ် ဆန္ဒပြပွဲ မြန်မာ ဂျာနယ်မှာ တားမြစ်ကန့်သတ်
အီဂျစ်နိုင်ငံမှာ သမ္မတမူဘာရက် ဖြုတ်ချရေးနဲ့ ဒီမိုကရေစီ တောင်းဆိုဆန္ဒ ပြတဲ့ လူထုလှုပ်ရှားမှု သတင်းတွေကို မြန်မာနိုင်ငံပိုင် သတင်းစာတွေ မှာ ဖေါ်ပြခွင့် မရှိသလို၊ မြန်မာ့ ရုပ်မြင်သံကြားက ထုတ်လွှင့်တဲ့ နိုင်ငံခြား သတင်းတွေမှာပါ ပိတ်ပင်ထားတယ် လို့ စစ်အစိုးရပိုင် သတင်းစာ အယ်ဒီတာ တဦးက ဘီဘီစီ ကို ပြောပါတယ်။
ပြည်တွင်းထုတ် ဂျာနယ်တွေ မှာလဲ အီဂျစ်ဆန္ဒပြမှု ကြောင့်၊ တိုင်းပြည် ဖရိုဖရဲ ဖြစ်တာကို ဇောင်းပေးရေးရင်၊ ခွင့်ပြုပေမဲ့ အမှန်အကန် သတင်းတင်ပြခွင့် ကိုတော့ စာပေစီစစ်ရေး က တားမြစ်ပိတ်ပင်တယ်လို့ ဂျာနယ် အယ်ဒီတာ တချို့က ပြောပြပါတယ်။
အခုလို တားမြစ်ပိတ်ပင်မှု တွေရှိနေလို့ ဖြစ်ရပ်မှန် သတင်းတွေ၊ လူထုဆီ မရောက်တာကို ဂျာနယ်ဆရာတွေ စိတ်မကောင်း ဖြစ်ပေမဲ့၊ အစိုးရပိုင် သတင်းစာတိုက်က အယ်ဒီတာ တချို့ကတော့ သူတို့ဟာ၊ ရုပ်သေးရုပ် သတင်းစာ ဆရာတွေ ဖြစ်နေပုံ ဘီဘီစီ ကိုပြောပြပါတယ်။
~RS~a~RS~burmese~RS~q~RS~~RS~z~RS~57~RS~){kind=small}
