بی بی سی اور اسرائیل
اسرائیل میں یہودی اسٹیبلشمنٹ بی بی سی کو خاصا ناپسند کرتی ہے۔ اسرائیل کے کٹر قدامت پسند میڈیا کا خاصی باریک بینی سے جائزہ لیتے ہیں۔
کٹر قدامت پسند آئے دن بی بی سی کی رپوٹوں پر جانبداری اور یہود مخالف کوریج کے الزامات لگاتے ہیں۔
میری یہاں جتنے بھی پڑھے لکھے لوگوں سے بات ہوئی اُن کا خیال ہے کہ بی بی سی فلسطینیوں کی کھلی طرف داری کرتا ہے جبکہ اسرائیلی نقطہء نظر اکثر گول کرجاتا ہے۔
بی بی سی کے اسرائیلی ناقدین کو شاید اندازہ نہیں کہ ہمیں تو بعض لوگ صیہونی سازش کا حصہ قرار دیتے نہیں تھکتے۔ خود میں پچھلے چند دنوں میں یروشلم سے لکھے گئے اپنے بلاگز پر بعض قارئین کی برہمی کا نشانہ بنا ہوں: کسی نے 'سابقہ پاکستانی، کہہ ڈالا تو کسی نے 'اسرائیلی ایجنٹ، قرار دے دیا!
لیکن اس طرح کے کاموں میں تو اس طرح ہوتا ہے۔ کبھی ادارہ تنقید کی زد میں آتا ہے تو کبھی آپ خود۔
میرے نزدیک ایسے حالات میں آپ کے سامنے دو ہی راستے ہوتے ہیں: لوگوں کو خوش کرنے کے لئے وہی کہیں جو وہ سُننے کے عادی ہوچکے ہیں یا پھر جتنا ممکن ہو اپنا کام اپنی صحافتی اقدار کے حساب سے کرتے جائیں۔
اس کا یہ مطلب نہیں کہ آپ ہر نکتہ چینی مسترد کر دیں۔ تنقید جیسی بھی ہو اُسے کھلے ذہن کے ساتھ پرکھنا ضرور چاہئے۔اگر اُس میں دم ہو تو اگلے کا شکریہ! لیکن اگر بےجا ہو تواُسے خاطر میں نہ لانا ہی بہتر ہوتا ہے۔
© MMIX~RS~q~RS~~RS~z~RS~59~RS~)
تبصرےتبصرہ کریں
بالکل ٹھيک لوگوں کی نہیں اپنے کام کی پرواہ کرنی چاہیے۔۔۔ لوگ کسی کو معاف نہیں کرتے۔۔۔
تبصرے کے بارے میں شکایت کریں
Virtual keyboard
کیا اس کا مقصد یہ تو نہیں کہ مسلمانوں کو باور کیایا جائے کہ بی بی سی بہت ایماندار اور بہت اچھا ذریعہ اخبار ہے؟ معذرت مگر بی بی سی پر ہی نہیں اکثر مغربی میڈیا پر کووریج مسلمانوں کے خلاف ہی ہوتی ہے۔
تبصرے کے بارے میں شکایت کریں
Virtual keyboard
اچھا تو اس کا مطلب بی بی سی کو فلسطينی نواز سمجھا جاتا ہے اور پاکستان ميں تو تقريباً ہر ميڈيا کو ہي يہودی نواز کہا جاتا ہے۔۔۔ آپ ذرا نئے بلاگر ہیں، تبھی تنقيد دل پر لے لی۔ حسن مجتبي کے بلاگز پر تنقيديں پڑھ کر آپ کا حوصلہ خود بڑھے گا۔۔۔ امريکی ميڈيا کے بارے میں کيا خيالات ہیں اسرائیليوں کے ؟
تبصرے کے بارے میں شکایت کریں
Virtual keyboard
پيوستہ رہ شجر سے اميد بہار رکھ
اور
تندئی باد مخالف سے نہ گھبرا اے عقاب
يہ توچلتی ہے تجھے اونچا اڑانے کے ليے
شاہ زيب صاحب حقيقت بيان کرنے کا شکريہ۔ ہمارے بہت سے پاکستانی بھائی بھی بی بی سی کو غير جانبدار نہيں سمجھتے ليکن کوئی بڑی خبر آئے تو بھاگ کر بی بی سی ہی سنتے ہیں کہ اصل صورت حال کا پتہ چل جائے۔ ايسا طبقہ دنيا کے ہر معاشرے میں موجود ہے۔ آپ يقيناً سب کو خوش نہیں کر سکتے۔
تبصرے کے بارے میں شکایت کریں
Virtual keyboard
اجی جیلانی صاحب، آپ تو اکا دکا تبصروں سے ہی اثر لیے بیٹھے ہیں۔ اگر موقع ملے تو ان تبصروں کا مطالعہ بھی فرما لیجیے گا جو شائع نہیں ہوئے۔ بہرحال خاکسار اس بات سے اتفاق نہیں کرتا کہ بی بی سی فلسطینیوں کی طرفداری کرتا ہے۔ آپ کا آج کا یہ بلاگ کچھ کچھ ایسا لگتا ہے جیسے ’نیا جال لایا پرانا کھلاڑی‘۔
تبصرے کے بارے میں شکایت کریں
Virtual keyboard
واہ جی واہ، خود کو سچا کرنے کے لیے اب اسرئیلیوں کو اپنا مخالف لکھ دیا، سچ تو یہ ہے کہ اب آپ سچ چھپا نہیں سکتے۔ غزہ پر حملے کے وقت بی بی سی نے کیا کیا تھا۔۔۔.
تبصرے کے بارے میں شکایت کریں
Virtual keyboard
‘عقل کو تنقید سے فرصت نہیں
عشق پر اعمال کی بنیاد رکھ‘
تبصرے کے بارے میں شکایت کریں
Virtual keyboard
آپ بالکل صحیح ہیں اور ہم آپ کے ساتھ ہیں۔
تبصرے کے بارے میں شکایت کریں
Virtual keyboard
جیلانی بھائی انتہا پسندوں کو خوش نہیں کیا جا سکتا اور اس کو کمپلمنٹ سمجھیں کہ انتہا پسند (ہر قسم کے) بی بی سی سے نالاں رہتے ہیں۔ آپ خود دیکھ سکتے ہیں کہ جو اعتراضی بیانات بی این پی والے، اور عیسائی بنیاد پرست یا صیہونی طرف دار دیتے ہیں ہو بہو ویسے ہی بیانات اپنے اسلامی انتہا پسند دیتے ہیں بی بی سی کے بارے میں۔ ’غیر جانب داری‘ نام ہے ہی ایسوں کو خوش نہ کرنے کا۔۔!
تبصرے کے بارے میں شکایت کریں
Virtual keyboard