جب کوئی بیک آؤٹ کرے
ہم لوگوں کا اپنےسامعین کے ساتھ رشتہ اتنا گہرا ہوتا ہے کہ ان سے کۓ چھوٹے سے وعدے سے مُکرنا ہمیں انتہائی برا لگتا ہے ۔
ہم کتنی کوشش کریں کہ انہیں وہ سب ملے جس کا انہیں انتظار ہوتا ہے مگر جب حالات ہمارے قابو میں نہیں رہتے تو ہم اپنے کو ہی کوسنے لگتے ہیں۔
میری بھی حالت اُس وقت ایسی ہوئی جب چار دن سے نشر ہونے والے اعلان کے بعد جموں و کشمیر کے گورنر نے اطلاع بھیجی کہ وہ ٹاکنگ پوانٹ پروگرام میں شریک نہیں ہوسکتے کیونکہ انہیں گلے میں تکلیف ہوئی ہے۔
میں تو ان کی اس وجہ کو مان بھی لوں لیکن وہ لوگ کیسے مانیں جن لوگوں نے انہیں انتخابات کے آخری انتظامات کا جائزہ لیتے دیکھا اپنے ماتحت عملے کو ہدایات دیتے سُنا اور نیم فوجی دستوں کو حساس علاقوں میں پوزیشنیں سنبھالنے کے احکامات دیتے پایا۔
یہ دوسری بات ہے کہ حکومت بھارت کو بخوبی احساس ہے کہ بیشتر لوگوں کی انتخابات میں عدم دلچسپی اور آزادی کی تحریک سے متعلق سوالات کا جواب دینا انتہائی مشکل ہے پھر بھی سیاست دانوں اعلی عہدے داروں کے لۓ لوگوں کو اپنی باتوں کے جال میں پھاسنا کوئی دشوار کام نہیں ہوتا۔
میں تو سمجھ رہی تھی کہ سیاست دانوں یا اہلکاروں کو بہلانے کا خوب ہنر آتاہے تو پھر جموں و کشمیر کے گورنر نے آخری وقت پر ٹاکنگ پوانٹ پروگرام سے بیک آوٹ کیوں کیا
کیاوہ کشمیر کے حالات کو بخوبی سمجھتے ہیں اور بہلانے کا ہنر اب یہاں ناکام ہورہا ہے۔
کوئی تو کچھ بتادے؟
© MMIX~RS~q~RS~~RS~z~RS~08~RS~)
تبصرےتبصرہ کریں
’چلا گيا وہ مجھے چھوڑ کر مسافت ميں
گلہ نہيں ہے کہ ميرا ہي بخت ايسا تھا۔۔۔‘
تبصرے کے بارے میں شکایت کریں
Virtual keyboard
ہند کے ارباب اختيار کی يہ پرانی عادت ہے۔ اس کی ابتدا انہوں نے کشميروں کو حق خوداراديت نہ دے کر دی تھي۔ مجھے بحثيت کشميری اس پر کوئی حيرانی نہيں ہوئي۔۔۔
تبصرے کے بارے میں شکایت کریں
Virtual keyboard
صحافی اور براڈکاسٹروں کے ہاں ’کچھ تو بتلائیے کہ بتلائیں کيا‘ کا عالم طاری ہونا اس پيشے کی انفراديت ہے اور جس انجماد کو پگھلانے واسطے جرنلزم نے قوائد ضوابط اور کردار وضع کيا ہے، جس سے جرنلزم بالکل صراط مستقيم بن کر رہ جاتا ہے۔۔۔ ذرا سا قلم تا آواز کا زير و بم ايک فريق کے مقابلے ميں دوسرے فريق پر نچھاور کيا تو اپ جرنلسٹ سے ہٹ کر خود فريق بن گئے۔۔۔ اب اس پس منظر ميں گورنر کشمير کی ٹاکنگ شو ميں شرکت سے معزرت بوجہ ناسازي طبيعت آپ کو قبول کرنی چاہيے اور ان سے نئی تاريخ طے کرنی چاہيے۔ سياست ميں سياسی بيمارياں سياستدانوں کے ساتھ لگی رہتی ہيں جنکا جرنلسٹ کچھ بھی تو نہيں کر سکتے۔ ہاں آپ نے پروگرام کے منتظر سامعين کے سامنے واضحات کر کے خوب کيا اور جس صورتحال کا حوالہ سياسی تجزيہ نگار ايک يا دوسری پارٹی کے حق ميں دے سکتے ہيں۔۔۔
تبصرے کے بارے میں شکایت کریں
Virtual keyboard
بھارت کو اب تو کشميريوں کو ان کے حال پر چھوڑ دينا چاہيے۔ جب بات يہاں تک پہنچ چکی ہے کہ جھوٹ کا سہارا بھی نہيں ليا جا سکتا تو مزيد تشدد سے کب تک غلام رکھا جا سکتا ہے۔ يہ سب راج پاٹ يہيں رہ جائے گا تو کيوں نہ سب کو ان کی مرضی سے امن سے رہنے ديا جائے۔ کاش يہ سوچ حکمرانوں ميں بھی پيدا ہو جائے کہ سب نے ہميشہ تھوڑی رہنا ہے تو کيوں نفرتوں کو پروان چڑھائيں، کيوں نہ بھائيوں کی طرح رہا جائے۔ آخر يورپ ميں بھی تو جنگيں ہوئی تھيں ليکن پر امن بقائے باہمی اور ايک دوسرے کے حقوق کا احترام کرتے ہوئے کتنی آشتی سے پھل پھول رہے ہيں۔ کوئی ملک کسی نے فتح نہيں کيا ہوا بھر بھی سب ايک ہی لڑی ميں پروئے جا رہے ہيں۔ ايسی ہی ايک فيڈريشن يہاں کيوں نہيں بن سکتی؟ کشمير، پاکستان اور بھارت کي۔ جس ميں کوئی کسی کو نہ دبائے، نہ دھمکائے اور بس سب امن و آشتي سے رہيں۔ يونائيٹيڈ اسٹيٹس آف سب کانٹيننٹ يا رياستہائے متحدہ بر صغير۔
تبصرے کے بارے میں شکایت کریں
Virtual keyboard
مان بھی جائيں کہ ان کے گلے ميں تکليف ہے- جھوٹ ان کے گلے ميں اٹکا ہوا ہے جو نہ اگلا جائے ہے نہ نگلا جائے ہے۔۔۔
تبصرے کے بارے میں شکایت کریں
Virtual keyboard
سلام نعيمہ جی
موصوف کو گورنر انڈيا نے بنا کر بھيجا ہے اور مانتے بھی وہی ہيں۔ اس ليے عقلمندی کر رہے ہيں کہ تنخواہ دينے والوں کی فکر ميں رہتے ہيں۔ انتخابی ڈرامہ جن کے لیے کيا جا رہا ہے انکی فکر کررہے ہيں۔ کشميری کون سا انہيں گورنر مانتے ہيں دل سے۔ جس دن موقع ملے گا کان سے پکڑ کر کٹھوعہ پاردھکہ ديں گے۔ سو پہلے تنخواہ حلال کر ليں پھر کشميريوں سے بھی بات کرليں گے۔۔۔ جلدی کيا ہے۔۔۔
تبصرے کے بارے میں شکایت کریں
Virtual keyboard
بھارتی حکومت کو چاہیے کہ وہ اپنے وزیروں کی منہ پر مکرنے کی صلاحیت نہ ہونے کی وجہ سے پاکستانی حکومت سے رابطہ کرے۔ ہم ان میں خوکفیل ہیں!
تبصرے کے بارے میں شکایت کریں
Virtual keyboard
’جب کہ جی چاہے نئی دنيا بسا ليتے ہيں لوگ
ايک چہرے پہ کئی چہرے لگا ليتے ہيں لوگ‘
تبصرے کے بارے میں شکایت کریں
Virtual keyboard
گورنر صاحب قوت فيصلہ سے محروم ہوگۓ، لوگوں کو بہلانے کا فن بھول گۓ، اپنے وعدے سے پھر گۓ، حلات کا تقاضا ہے ناں سمجھا کريں۔۔۔
تبصرے کے بارے میں شکایت کریں
Virtual keyboard
نعيمہ صاحبہ گورنر نے بہانہ تو لگا ديا تھا گلہ خراب ہونے کا ليکن آپکی صحافيانہ حس نے انکا بہانہ چلنے ديا ہے-
تبصرے کے بارے میں شکایت کریں
Virtual keyboard
نعيمہ بہن، دکھ تو ہمیں بھی ہوا کہ اتنے اعلانات کے باوجود گورنر صاحب نے انکار کر دیا۔ یہ اس بات کی گواہی ہے کہ وہ حقائق کا سامنا کرنے کے لئے تیار نہیں ہونگے یا دلی سرکار نے منع کیا ہوگا۔ خیر ایسا تو ہوتا رہتا ہے اور ہمارے جیسے بی بی سی کے سامعین بھی اتنا شعور رکھتے ہیں۔
تبصرے کے بارے میں شکایت کریں
Virtual keyboard
يہ کشميريوں کی بے مثال جدوجہد کی اخلاقی فتح ہے کہ ظالم دنيا کا سامنا کرنے سے گھبرا رہے ہیں ۔۔۔
تبصرے کے بارے میں شکایت کریں
Virtual keyboard
نعيمہ جی مُجھے آپ کی حالت کا تو اندازہ ہو رہا ہے ليکِن ويسے بہت مزہ آيا يہ بات معلُوم کر کے صاحب بہادُر بالکُل تندرُست اور بھلے چنگے ہونے کے باوجُود پروگرام ميں نہيں آئے۔۔۔ اب آپ يا باقی لوگ اِسے کُچھ بھی کہيں ميں تو يہی کہُوں گی کہ گورنر صاحِب کِتنے بھی بہادُر بنيں اندر سے اِتنے کمزور ہيں کہ عام عوام کے تُند و تيز سوالوں کے جواب دينے کی خُود ميں ہِمّت ہی نہيں پاتے اور شايد يہی عوام کی فتح ہے کہ اِتنی طاقت رکھنے والے بندے کی بولتی بند ہو گئی۔ يعنی گلا ہی بند ہو گيا ميرے خيال ميں اِسے ہی حقيقی فتح کہا جانا زيادہ درُست ہوگا ہے ناں۔۔۔
تبصرے کے بارے میں شکایت کریں
Virtual keyboard