Help / Cymorth
« Blaenorol | Hafan | Nesaf »

Oinc

Vaughan Roderick | 15:13, Dydd Mercher, 16 Chwefror 2011

Dwn i ddim os ydy 'Gwir Gymru' wedi dewis enw i'w mochyn eto. "Porci" oedd awgrym un ymgyrchydd 'Ie' gan fod yr ymgyrchwyr 'Na', yn ei dyb ef yn hoff iawn o ddweud "porky pies"

Ta beth am hynny syniad wedi ei fachu o ymgyrch 'Na' Gogledd Ddwyrain Lloegr yw'r mochyn. Yn y refferendwm hwnnw yn 2004 fe brynodd yr ochor 'Na' falwn enfawr af ffurf eliffant gwyn ac roedd mynd a hwnnw o un digwyddiad 'Ie' i'r nesaf yn rhan fawr o'u hymdrech.

Yn yr ymgyrch hwnnw roedd symbolaeth y "white elephant" yn gwbwl amlwg dyw hynny ddim yn wir am y mochyn. Mae arweinwyr yr ymgyrch 'Na' yn gwadu mai gwneud ensyniadau ynghylch aelodau'r Cynulliad yw'r bwriad. Yn hytrach ceir rhyw fwmian annelwig ynghylch 'Animal Farm'.

Beth bynnag oedd y bwriad yn ol y rheiny sydd wedi gwylio'r mochyn wrth ei bethau mae'r stynt yn denu pobol draw i siarad a'r ymgyrchwyr. Yn hynny o beth mae'n gweithio.

Serch hynny mae'n anodd credu y bydd y mochyn yn 'game-changer'.

Mae'n werth nodi Ladbrokes newydd gyhoeddi eu prisiau ar y refferendwm. 1/10 yw pris 'Ie'. 5/1 yw pris 'Na'. Os ydy'r bwcis yn gywir mae angen mwy na mochyn ar Wir Gymru.

SylwadauAnfon sylw

  • 1. Am 09:19 ar 17 Chwefror 2011, ysgrifennodd Dafydd Jones:


    Beth bydd "stynt" fel yr isod yn fwy effeithiol?

    http://cardiffian.jomec.co.uk/article/pub-bans-yes-campaigners

  • 2. Am 16:07 ar 22 Chwefror 2011, ysgrifennodd FiDafydd:

    Dwi'n gweld mai Syr Eric sy'n ymddangos nos fory eto ar S4C - iawn gen i, mae o'n gwneud lles aruthrol i'r Ymgyrch Ie! Ond a ydi hyn yn golygu nad yw'r cyfryngau Cymraeg yn gallu cael gafael ar unrhyw un arall i gynrychioli'r ymgyrch Na? Ydi hyn yn golygu nad oes neb cymwys arall ar gael, ar wahan i Bill Hughes, wrth gwrs - has-bin arall?

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.