Llwyfan Llawn

Vaughan Roderick | 10:23, Dydd Mawrth, 20 Hydref 2009

Doeddwn i ddim yn gwybod, onest a dydw i ddim yn mynd i hawlio'r peth fel buddugoliaeth i'r blog!

Mae'r llywodraeth newydd gyhoeddi cymhorthdal o £15 miliwn tuag at y gost o godi canolfan gelfyddydau newydd ym Mangor.

Mae hynny ar gyfer y flwyddyn 2010-2011. O'r diwedd! Ond oedd angen cau Theatr Gwynedd yn y cyfamser?

Trwy gyd-ddigwyddiad bues i'n sgwrsio bore 'ma a Judith Isherwood, pennaeth Canolfan y Mileniwm sy'n gadael am Awstralia ddiwedd yr wythnos hon.

Buodd hi'n son am y problemau oedd yn wynebu'r ganolfan cyn iddi agor ac fe dynnodd gymhariaeth ddiddorol rhwng Cymru ac Awstralia. "Gwlad y medra" go iawn oedd Awstralia meddai lle'r oedd pawb yn ystyried popeth yn bosib. Mae pethau'n newid yng Nghymru, meddai, ond yn rhy aml yn y gorffennol mae pobol wedi chwilio am resymau neu esgusodion i beidio gwneud pethau.

Ta beth, fe fydd Judith yn cymryd yr awenau yng nghanolfan gelfyddydau fwyaf Awstralia ym Melbourne. A fydd 'na gydweithio rhwng y ganolfan honno a chanolfan Caerdydd? Dyw Judith ddim am ddweud gormod ond mae 'na rhywbeth ar y gweill- rhywbeth sy'n ymwneud a'r Urdd a Chapel Cymraeg Melbourne. " Cysylltiad Methodistiaid Calfinaidd Talaith Victoria- the Opera" efallai!

Llyfrnodi gyda
del.icio.us |
Digg |
Newsvine |
NowPublic |
Reddit
- Beth yw hwn?

SylwadauAnfon sylw

1. Am 11:39 ar 20 Hydref 2009, FiDafydd ysgrifennodd:

Da iawn Vaughan. Nesa, mae angen i ti flogio ynglyn a pha mor warthus yw'r diffyg pwerau sydd gan y Cynulliad Cenedlaethol...!

Cwyno am y sylw hwn

2. Am 11:46 ar 20 Hydref 2009, Daran ysgrifennodd:

Ti moen swydd fel lobiydd?

Cwyno am y sylw hwn

3. Am 18:32 ar 20 Hydref 2009, D. Enw ysgrifennodd:

'Sdim dwywaith mai Alun Ffred yw'r gweinidog Treftadaeth orau i Gymru ei gael.

Mae'n deall mai diwylliant yw pob gwleidyddiaeth a bod cenedlaetholdeb ddiwylliannol yn rhywbeth i fod yn falch ohono ... ac sy'n dod â gwaith ac urddas i fywyd pobl. Does dim pwynt cael senedd i Gymru os nad yw diwylliant ac iaith Cymru am elwa o hynny.

Mae hon ond y diweddaraf i ddatganiadau gwych gan Alun Ffred o lunio agenda Gymreig i Cadw, cefnogi cyhoeddi i ail-godi Iaith Pawb.

Falch iawn 'mod i wedi pleidleisio Plaid Cymru yn 2007.

Cwyno am y sylw hwn

4. Am 22:07 ar 20 Hydref 2009, monwynsyn ysgrifennodd:

Ia. Da iawn. Beth am flog ar yr A470 nesaf. Dwi wedi wastio beth sy'n teimlo fel blynyddoedd ar y ffordd. Mae cysylltu cenedl a'i gilydd yn holl bwysig i undeb cenedlaethol.

Cwyno am y sylw hwn