Rhwydweithio

Mae'n ymddangos bod Golwg360 yn gweithio o'r diwedd, i fi, o leiaf! Mae'r diwyg hefyd wedi ei foderneiddio. Hwre! Dwi'n edrych ymlaen at y ffeit! Mae cystadleuaeth yn beth da!

Mae Lefi Gruffudd yn sgwennu ynghylch yr union bwnc yn y "Western Mail". Fel bron pawb arall mae Lefi yn parhau i gyfeirio at wasanaeth arlein Cymraeg y BBC fel "Cymru'r Byd". Mae'r enw hwnnw wedi diflannu o'r safle am ryw reswm. Nid myfi yw'r un i ofyn pam... o na!

Hefyd yn y "Western Mail" mae 'na stori ynghylch gwahodd y Democratiaid Rhyddfrydol i ymuno a'r llywodraeth yn y Bae. Twt lol yn fy marn i. Gan fy mod wedi gwylltio Plaid Cymru gyda ambell i bost yn ddiweddar gadewch i mi ddweud fy mod yn credu bod y sylw yma gan lefarydd y blaid yn llygaid ei le.

""There are some in the Labour Party who are out to undermine the Labour-Plaid agreement and are trying to damage Ieuan for their own ends, helped by the Liberal Democrats."

Pwy yw'r "some" 'na? Fe fedra i ddyfalu!

Mae 'na flog sosialaidd newydd wedi ymddangos yn y gogledd ddwyrain- un da hefyd. "Proper Tidy" yw'r enw. Rhyfedd. Roeddwn i'n meddwl mai rhan o dafodiaith Saesneg Caerdydd oedd y term hwnnw.

Maes-e
Blogiadur

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?