Help / Cymorth
« Blaenorol | Hafan | Nesaf »

Wedi'r Torriad

Vaughan Roderick | 12:07, Dydd Mawrth, 13 Ionawr 2009

Dyma nhw yn ôl felly. Ar ôl dathlu'r Nadolig/gweithio'n ddyfal yn eu hetholaethau mae aelodau'r Cynulliad yn ôl y bae a diawch mae'n teimlo fel "Groundhog Day" gyda Nick Bourne yn amddiffyn ei dreuliau mewn cynhadledd newyddion a Rhodri ac Ieuan yn mynnu bod y gyfundrefn LCOs yn gallu gweithio'n effeithiol.

Fe fydd sefyllfa Nick yn fwy eglur erbyn diwedd yr wythnos dw i'n meddwl. Heddiw cyhoeddodd ei fod am wneud cyfres o areithiau ar hyd a lled Cymru a'i fod wedi ysgrifennu at ymgeiswyr seneddol y Blaid yn cynnig cymorth yn yr etholiad cyffredinol. "Busnes fel arfer" oedd y neges "mae'r ffrwgwd ynghylch treuliau wedi gostegu".

Efallai. Mae oddeutu hanner aelodau'r grŵp Ceidwadol yn dweud yn agored wrth newyddiadurwr eu bod am weld newid arweinydd. Mae un aelod yn dweud ei fod wedi gofyn i Nick rhoi'r ffidl yn y to. Mae Nick yn gwadu hynny. Dyw e ddim yn ymwybodol o unrhyw anniddigrwydd. "Mae'r grŵp yn unedig a chadarn" meddai ac mae'n gwadu bod unrhyw aelod wedi gofyn iddo fynd.

Dyma'r dewis felly;

A. Mae'r aelodau'n dweud celwydd.
B. Mae'r newyddiadurwyr yn dweud celwydd.
C. Mae Nick yn dweud celwydd.
Ch. I ddyfnu Rhodri Morgan "Denial isn't just a river in Egypt".

Mae croeso i chi ffonio ffrind.

SylwadauAnfon sylw

  • 1. Am 20:29 ar 13 Ionawr 2009, ysgrifennodd Dai :

    "Fe fydd sefyllfa Nick yn fwy eglur erbyn diwedd yr wythnos dw i'n meddwl."

    Vaughan. Cadwa 'mlan dweud hyn a rhyw wythnos fe fyddi di'n sicr o fod yn gywir.

  • 2. Am 22:19 ar 13 Ionawr 2009, ysgrifennodd Bedd Gelert:

    Nad yw Nick Bourne yn edrych yn hynod o debyg i'r hen 'Welsh Sec' na, Nicholas Edwards.

    http://www.welshicons.org.uk/assets/images/Nicholas_Edwards80.jpg

    'any relation', sgwn i ? Spooky.

    Efallai fod siawns creu 'Baron Tiger Bay' o Nick Bourne eto ?

  • 3. Am 12:04 ar 14 Ionawr 2009, ysgrifennodd David:

    Ti ar tudlaen flaen LabourList. www.labourlist.org

  • 4. Am 12:49 ar 14 Ionawr 2009, ysgrifennodd Vaughan Roderick Author Profile Page:

    Dydw i ddim yn sicr ydy hynny'n beth da ai peidio!

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.