Help / Cymorth
« Blaenorol | Hafan | Nesaf »

Deigryn

Vaughan Roderick | 21:04, Dydd Sul, 30 Tachwedd 2008

Mae hon yn stori gwbwl wir.

Mae fy mrawd yng nghyfraith yn Americanwr. Oherwydd hynny mae fy nheulu yn dathlu "Thanksgiving" gan wahodd Americanwyr eraill i'r cinio.

Mae 'na lot o blant. Gormod o blant. Heddiw roedd y cryts yn hynod o swnllyd gyda dau grwt yn esgus saethu eu gilydd. Un ohonyn nhw oedd fy nai, Gwynfor, sy'n ddeg oed. Crwt bach du (Cymraeg ei iaith) sy'n bump oedd y llall.

Fe wnes i geisio eu tawelu trwy ofyn beth oedd y gem. "James Bond" meddai'r crwt "Gwynfor yw James Bond a fi yw'r evil black guy..."

Gallwch ddychmygu shwd oeddwn i'n teimlo am hynny.

"Dyw hynny ddim yn swndo'n deg iawn..."

"Na mae'n OK. Ni'n chwarae Barack Obama nesa..."

Mae modd gwybod bod rhywbeth arbennig iawn wedi digwydd pan mae'r plant yn sylwi.

SylwadauAnfon sylw

  • 1. Am 22:12 ar 1 Rhagfyr 2008, ysgrifennodd Rhys Llwyd:

    haha! Gwych!

  • 2. Am 21:24 ar 2 Rhagfyr 2008, ysgrifennodd Bedd Gelert:

    Ardderchog !!

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.