Dy'n ni ddim am fynd i Firmingham...
Draw ar flog Betsan mae 'na newyddion ynghylch adroddiad hir-ddisgwyliedig Wyn Roberts ar bolisi datganoli'r Ceidwadwyr. Yn ôl Betsan (a dyw fy nghyd-olygydd byth yn anghywir am y pethau hyn) dyw 'r adroddiad ddim yn mynd i gael ei gyhoeddi yn ystod Cynhadledd y Ceidwadwyr. Fe fydd hynny'n siomi nifer o Geidwadwyr Cymreig amlwg.
Ond pam yr oedi? Ydy'r adroddiad yn un ymfflamychol a allai ychwanegu at y rhwygiadau o fewn y blaid? O'r hyn dw i'n clywed y gwrthwyneb sy'n wir. Methiant Arglwydd Roberts i gyrraedd casgliadau pendant ar ddiwedd adroddiad hir a manwl sydd wrth wraidd y broblem. Hynny yw, mae'r dadansoddiad o broblemau'r cynulliad, mae'n debyg, yn un penigamp ond does na fawr o ymdrech i gyfeirio'r blaid i unrhyw gyfeiriad arbennig nac i gynnig atebion.
Golygydd Materion Cymreig y BBC yn blogio'n rheolaidd ar faterion gwleidyddol Cymru.
© MMIX~RS~q~RS~~RS~z~RS~05~RS~)
SylwadauAnfon sylw
Diddorol - rhaid bo na bwysau o Faldwyn a Chonwy.....ond wn i ddim am Fynwy a Chasnewydd..
Cwyno am y sylw hwn
Methiant yr Arglwydd Roberts i gyrraedd casgliad !
Wel , dyna syndod.
Bu'r bonheddwr yma'n aelod seneddol arnaf am flynyddoedd. Serch ei fod yn wir wr bonheddig (ac ef oedd yr olaf i gynnal cyfarfodydd etholiadol traddodiadol ym Mangor) , ac yn A.S. ardderchog, ni chafodd erioed yr un syniad gwreiddiol yn ei fywyd. Gallai fwydro dros Gymru (neu Brydain, yn ei achos ef) heb ddweud dim. Gallai fod wedi cynrychioli'r bedair brif blaid heb newid mymryn ar ei ddaliadau. Druan o David Cameron os yw'n chwilio am argymelliad sylweddol.
Cwyno am y sylw hwn