Clecs
Mae pawb yn y lle 'ma'n barod am wyliau erbyn hyn. Yn ôl Carwyn Jones pan ofynnodd rhyw un i'w fab a oedd e wedi gweld ei dad yn ddiweddar "ar beth?" oedd ateb y crwt.
Ydy, mae'r sesiwn ers y Pasg wedi bod yn un hir ond mae dyddiau'r cŵn o'n blaenau. Beth i sgwennu felly?
Fe ddylwn i flogio am raglen ddeddfwriaethol y llywodraeth ond does gen i fawr o awydd drafod yr LCO cig coch na'r Mesur Anghenion Arbennig. Nid bod y rheiny'n ddibwys, jyst fy mod yn ei chael hi'n anodd meddwl am rywbeth newydd i ddweud yn eu cylch. Yn lle hynny dyma ychydig o glecs.
Beth am hwn? Mae'r Pwyllgor Cynaladwyedd newydd ddanfon deg datganiad i'r wasg i'r BBC ar ddeg darn o bapur. Fe fyddai un yn ddigon...neu e-bost. Oni fyddai hynny'n fwy cynaliadwy?
Fe fu'r South Wales Echo yn dalcen caled i Blaid Cymru ers degawdau. Roedd y papur ym mlaen y gad yn erbyn datganoli yn refferendwm 1979 ac mae'n dal i argraffu erthyglau ffyrnig yn ymosod ar addysg cyfrwng Cymraeg. Ond yn sydyn mae cyfres o erthyglau mwy ffafriol i'r Blaid wedi dechrau ymddangos eitemau fel hon a hon. Beth yw'r esboniad? Ai cyd-ddigwyddiad yw hi bod Plaid Cymru newydd gyflogi Phil Nifield i ofalu am ei chysylltiadau cyhoeddus yn y De-ddwyrain? Mae Phil yn foi ffein iawn ond yn bwysicach efallai, am bron i ddeugain myned ef oedd gohebydd gwleidyddol... y South Wales Echo.
Golygydd Materion Cymreig y BBC yn blogio'n rheolaidd ar faterion gwleidyddol Cymru.
© MMIX~RS~q~RS~~RS~z~RS~29~RS~)
SylwadauAnfon sylw
Gyda'r papur yma yn datgan ei wrth-gymreictod mor groyw - sut yn y byd all y llywodraeth ddatgan nad oes ar y Cymry angen Bapur Cymraeg a bod pob dim o bwys erbyn hyn ar y we.
Mae papur o hyd yn gryfach na'r cleddyf a'r South Wales Echo mor lyfn ei fin ag erioed.
Cwyno am y sylw hwn