Troi'n bersonol?

Mae llawer o son wedi bod yr wythnos hon am y tensiynau rhwng Llafur yn y cynulliad a'r Aelodau Seneddol. Erbyn hyn dyw pobol ddim hyd yn oed yn ceisio celu'r ffaith. Mae'r llawer o'r tensiynau hynny i'w gweld pan geir trafodaethau ar wasanaethau traws-ffiniol, pwnc sy'n destun ymchwiliad gan y Pwyllgor Dethol ar Faterion Cymreig. Lansiwyd yr ymchwiliad hwnnw ar gais Aelod Seneddol Wrecsam Ian Lucas.

Y prynhawn yma roedd y cynulliad yn trafod yr un pwnc ac mewn araith ryfeddol dywedodd cynrychiolydd Wrecsam ym Mae Caerdydd Leslie Griffiths hyn "Sadly in recent times the very term cross-border been somewhat hijacked by people who see themselves as self-styled sceptics on devolution and the phrase cropss-border is now almost a metaphor for a lack of aspiration and ambition that is now infecting the body-politic in certain parts of Wales."

Os nad oedd ffiniau yn bwysig wrth gyflenwi gwasanaethau meddai doedd dim pwrpas ceisio sicrhâi Prifysgol yn Wrecsam. Wedi'r cyfan mae 'na hen ddigon o brifysgolion y tu hwnt i Glawdd Offa. Pam brwydro dros gael carchardy yng Ngogledd Cymru pan mae 'na garchardai yng Ngogledd Orllewin Lloegr? Pam ceisio denu gwaith i Wrecsam gyda hen ddigon o swyddi ar gael ym Manceinion?

Am bwy oedd Leslie Griffith yn meddwl wrth iddi draddodi ei geiriau, tybed? Nid Ian Lucas siawns?

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?