Help / Cymorth
« Blaenorol | Hafan | Nesaf »

Trafferth am deitlau

Vaughan Roderick | 13:30, Dydd Llun, 10 Medi 2007

Mae 'na dri datganiad i'w wasg o'm mlaen- y tri gan wleidyddion neu swyddogion llywodraeth Bae Caerdydd. Mae'r cyntaf yn defnyddio'r teitl swyddogol "Llywodraeth Cynulliad Cymru". "Llywodraeth Cymru'n Un" yw hi yn yr ail a'r "Labour-led Assembly Government" yn y trydydd.

Mae 'na rym mewn geiriau ac mae teitlau'n gallu cyfleu llawer. Dyna'r rheswm, mae'n debyg, am benderfyniad Alec Salmond i fabwysiadu'r enw "Llywodraeth yr Alban" ar gyfer ei gabinet -penderfyniad sydd wedi gwylltio rhai gwleidyddion Llafur sy'n mynnu mae'r enw "Executive" sy'n gywir. Yng ngeiriau un gweinidog yn San Steffan "They can call themselves the White Heather Club if they want, but they will never be the Scottish government."

Yn dechnegol y gwleidyddion Llafur sy'n gywir. Ond pan benderfynodd Rhodri Morgan ddefnyddio'r teitl "Prif Weinidog" yn hytrach na'r teitl swyddogol "Prif Ysgrifennydd" fe dderbyniwyd hynny gan y pleidiau eraill a'r cyfryngau. Beth am fynd un cam ymhellach a mabwysiadu'r enw "Llywodraeth Cymru"?

SylwadauAnfon sylw

  • 1. Am 13:45 ar 10 Medi 2007, ysgrifennodd Helen:

    Cytunaf y byddai Llywodraeth Cymru'n addas ar gyfer y glymblaid sydd gennym, am fod ganddi fandad gan y mwyafrif a bleidleisiodd ar 3 Mai. Hefyd, dylai dewis enw ar lywodraeth fod yn fater i'r Cynulliad (neu i Senedd yr Alban, o ran hynny) benderfynu'n ddemocrataidd arno, ac nid i ryw anghenfil o gorff allanol.

  • 2. Am 14:15 ar 10 Medi 2007, ysgrifennodd Arfon Jones:

    ....neu Senedd Cymru

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.