Help / Cymorth
« Blaenorol | Hafan | Nesaf »

Noson y cownt

Vaughan Roderick | 12:06, Dydd Mawrth, 1 Mai 2007

Ar ôl treulio’r bore yng Nghasnewydd (dinas ddi-boster o'r hyn a welais i) dw i newydd fod yn cael cipolwg ar y stiwdio lle byddwn yn darlledu Nos Iau.
Dewi Llwyd fydd yn y gadair, fel arfer, gyda Richard Wyn Jones a finnau gwneud y gwaith dadansoddol. Rhuanedd Richards fydd yn holi'r gwleidyddion yn y stiwdio. Ein panelwyr y tro yma yw Eluned Morgan, Dafydd Iwan, Guto Bebb ac Aled Roberts. Fe fydd Rhun ap Iorwerth yn y stidwio VR (virual reality nid Vaughan Roderick!)
Yn ogystal â'r darllediadau arferol o'r canolfannau cyfri fe fyddwn hefyd yn darlledu'n fyw o'r senedd, lle mae disgwyl i nifer sylweddol o bobol ymgasglu i wylio'r canlyniadau. Am y tro cyntaf fe fyddwn yn blogio tra'n darlledu ac rydym wedi gwahodd rhai o flogwyr annibynnol amlycaf Cymru i ymuno â ni. Y syniad yw eu bod yn gallu rhoi eu "sbin" unigol eu hunain ar y wybodaeth wrth iddi ein cyrraedd.

SylwadauAnfon sylw

  • 1. Am 14:33 ar 1 Mai 2007, ysgrifennodd Mark:

    Canlyniad cyntaf am 1.00yb - y rhaglen yn dachreau am 10.30 beth yn y byd i chi mynd i wneud a dewud sydd ddim eisioes wedi ei ddweud am y ddwy awr a hanner cyntaf?

  • 2. Am 15:33 ar 2 Mai 2007, ysgrifennodd Gwilym Euros:

    Vaughan,
    Diolch am dy flog...fyddwch chi hefyd yn talu sylw i'r etholiadau yn yr Alban ac yn Lloegr o bryd i'w gilydd (os bydd cyfle)yn ystod rhaglen nos Iau?

  • 3. Am 15:48 ar 2 Mai 2007, ysgrifennodd Vaughan:

    Gwilym, Fe fydd Elis Roberts yn yr Alban ar ein rhan ac fe fyddwn yn cyfeirio at ganlyniadau Lloegr hefyd, er bod nifer o'r cynghorau yno yn cyfri yn ystod y dydd, ddydd gwener.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.