Llunio'r llywodraeth

Mae Rhodri Morgan newydd gyhoeddi ei gabinet gan ddewis bod yn geidwadol o safbwynt ei bobol ond yn radicalaidd wrth ddidoli'r gwaith. Does 'na ddim un aelod newydd yn y cabinet. Mae hynny'n syndod. Ydy Rhodri yn cadw dwy sedd yn wag yn sgil ymadwiad Alun Pugh a Sue Essex ar gyfer partneriaid clymblaid posib?

Y rhestr yn gyflawn;

Gweinidog Busnes a Chyllid; Jane Hutt. Hwn yw'r penodiad allweddol. Fe fydd Jane yn lysgennad i'r gwrthbleidiau gan ofalu am y meysydd lle mae mwyaf angen osgoi gwrthdaro - busnes y siambr a llunio cyllideb.

Addysg, Diwylliant a'r Iaith Gymraeg; Carwyn Jones. Penodiad clyfar arall. Fe fyddai "gweinidog plesio Plaid Cymru" yn ddisgrifiad teg o'r swydd yma.

Gweindog Cefn Gwlad a Chynaladwyaeth; Jane Davidson

Gweinidog Cyfiawnder Cymdeithasol a'r Gwasanaethau Cyhoeddus; Andrew Davies

Economi a Thrafnidiaeth; Dr Brian Gibbons

Gweinidog Iechyd a Gwasanaethau Cymdeithasol; Edwina Hart. A fydd aelod Gwyr yn fodlon cau adran niwroleg Abertawe?

Cyfrifoldebau Andrew Davies a Brian Gibbons yw'r syndod mwyaf. Mae gwireddu argymhellion adroddiad Beecham yn waith pwysig i Andrew ond go brin y bydd e'n blest i golli ei hen adran a gweld yr enw yn newid.

"The department of speed-dating" oedd llysenw gwatwarus yr adran Fenter, Arloesi a Rhwydweithiau. Bydd 'na ddim colled ar ol yr enw yna!

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?