Geirfa Podlediad Pigion i Ddysgwyr - Awst 26, 2014

    Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.

    Gwrandewch ar y rhifyn diweddaraf

    Aled Hughes - Lloyd Antrobus

    gwirfoddoli - to volunteer
    gwarchodfa natur - nature reserve
    addysgu - to educate/teach
    prin - scarce
    sefydlu - to establish
    rhan amlaf - usually
    potsio - to poach
    twristiaeth - tourism
    aruthrol - stupendous

    ....mi awn ni draw i Swaziland. Aled Hughes gafodd sgwrs ddiddorol efo Lloyd Antrobus am ei brofiad yn gwirfoddoli mewn gwarchodfa natur yn Ne Affrica. Mae Lloyd yn gweithio ar brosiect cyffrous sy'n addysgu plant a phobl ifanc am yr anifeiliaid prin sydd yn y warchodfa.

     

    Shan Cothi - Iestyn Garlik

    caib - pick
    cyflwynydd - presenter
    hynt a helynt - goings-on
    mewn gwirionedd - actually
    tyllu - to dig a hole
    colbio - to knock
    addas - appropriate
    ysbrydoli - to inspire
    gosodiad - statement

    Lloyd Antrobus yn fan 'na yn sôn am ei waith gwirfoddol yn Swaziland. Ac o weithio efo anifeiliaid prin i weithio efo caib yr awn ni nesa'. Dan ni'n nabod Iestyn Garlick fel actor, cerddor a chyflwynydd teledu, ond pan oedd o'n ifanc ac yn gweithio yn ystod gwyliau'r ha', caib ac nid meicraffon oedd gynno fo yn ei law. Dyma Shan Cothi yn ei holi am hynt a helynt y gwaith.

     

    Aled Hughes - Sian Beca

    swydd - job
    delfrydol - ideal
    cyfuno - combine
    hen betha' - antiques
    basn - powlen
    etifeddu - to inherit
    aduniad - reunion
    delwedd - image
    traddodiadol - traditional
    llieiniau bwrdd - tablecloths

    Iestyn Garlick yn fan 'na'n sôn am un o'i swyddi cynta'. Rwan, tasech chi'n gofyn i mi be' fysa fy swydd ddelfrydol i, mae'n debyg mai ______ fysa honno. Wel, mae'r actores Sian Beca wedi llwyddo i gyfuno ei diddordeb mawr mewn hen betha' gyda choginio i sefydlu busnes te pnawn o'r enw 'Siwgr Lwmp'. Daeth Sian i'r stiwdio fore Iau i sôn am ei busnes newydd. Rhybudd iechyd i chi - mae 'na lot o drafod ar fwyd blasus iawn yn y clip nesa' ma, ac erbyn y diwedd mae'n debyg y byddwch chi ffansi paned a 'scone'!

     

    Tra bo dau - Nos Lun - Mici Plwm

    diddanwr - entertainer
    hen law - veteran
    atgofion - memories
    cartref plant - children's home
    trysorau - treasure
    salwch meddwl - mental illness
    chwarelwr - quarryman
    cyfoedion - peers
    celpan - slap
    pres pocad - pocket money

    Mae'r actor a'r diddanwr Mici Plwm yn hen law ar wneud i bobl a phlant chwerthin. Yn ystod yr wythdegau a'r saithdegau roedd o'n enwog am actio'r cymeriad Plwmsan gan ddiddanu miloedd o blant efo'i 'catchphrase' - "O, Wynff!!". Er i Mici wneud llawer o blant yn hapus, yn eironig iawn, plentyndod anodd iawn gafodd o yn Llanffestiniog. Dyma Nia Roberts yn holi Mici am ei atgofion.

     

    Sylwadau

    Gwnewch y sylw cyntaf

    Mae pob neges yn cael ei adolygu cyn ei gyhoeddi ac mae'n rhaid cadw at y Rheolau.

    gyda'ch BBC iD, neu Gofrestru i wneud sylw ac ymateb i sylwadau

    Mwy o negeseuon

    Blaenorol

    Nesaf