« Blaenorol | Hafan | Nesaf »

Post Cyntaf: Ffion Hague

Categorïau:

Newyddion Newyddion | 06:00, Dydd Mawrth, 30 Awst 2011

Ffion Hague yw’r olaf ymysg casgliad o wynebau cyfarwydd sydd wedi ymgymryd â’r her o olygu rhan o raglen newyddion foreol BBC Radio Cymru, Post Cyntaf.

 

Ffion Hague

 

Ymhlith golygyddion gwadd y Post Cyntaf, a gyflwynir gan Garry Owen a Nia Thomas, bu’r DJ Huw Stephens, y cynllunydd tlysau Rhiannon Evans, y cyn chwaraewr rygbi Gareth Davies, Russel Jones o raglen Byw yn yr Ardd a Bardd Plant Cymru, Eurig Salisbury.

Ddydd Mawrth, Awst 30, yr awdures Ffion Hague fydd yn golygu, ac yn gyfrifol am bennu rhan o agenda newyddion y dydd, a dewis pynciau ar gyfer trafodaeth.

“Fel awdur llyfr ar y merched ym mywyd y cyn Brif Weinidog David Lloyd George, a rhywun sy’n gyfarwydd iawn â’r byd gwleidyddol cyfoes hefyd, mae’n naturiol mai pynciau yn ymwneud â materion merched mewn bywyd cyhoeddus yw dewis Ffion ar gyfer trafodaeth,” meddai golygydd newyddion Radio Cymru, Bethan Roberts. “Bydd rhaglen y bore hwnnw yn trafod y rhwystrau sy’n wynebu merched sy’n adeiladu eu gyrfa a merched dylanwadol sydd ddim wedi cael cydnabyddiaeth lawn.”

 

Gwrando ar y rhaglen.

Post Cyntaf, BBC Radio Cymru, 6.30am

 

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.