« Blaenorol | Hafan | Nesaf »

Dewi Llwyd a Philip Davies

Categorïau:

Dewi Llwyd Dewi Llwyd | 15:19, Dydd Sul, 31 Hydref 2010

Mae Philip Davies yn un o'r mwyaf gweithgar o Gymry Gogledd America. Bymtheng mlynedd ar hugain yn ol penderfynodd ymfudo i'r Unol Daleithiau.

Phillip Davies

Yn fab i deulu amaethyddol o Landyfaelog yn sir Gaerfyrddin, cafodd swydd gyda chwmni fferyllol yn Efrog Newydd, ac ers hynny bu'n gwneud gwaith ymchwil ym maes gwynegon.

Wrth sgwrsio a Dewi mae'n cydnabod i'r profiad o adael ei famwlad a'i deulu fod yn un poenus. Ond o safbwynt gwaith meddai mae wedi talu ar ei ganfed.

Yn dad i dri o blant, Cymraeg yw iaith yr aelwyd yn New Jersey, ac ar hyd y blynyddoedd mae Philip a'i wraig Meril wedi teithio'n gyson yn ol ar draws yr Iwerydd.

Am gyfnod hir bu'n Llywydd Sefydliad Cymraeg Gogledd America ond mae'n gresynu nad yw'r gymdeithas honno yn llwyddo i ddenu cymaint o aelodau ag y bu.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.