Gwrando
Yn Fyw : Geraint Lloyd
30/01/2015
BBC Radio Cymru
Blog Radio Cymru

Blog Radio Cymru

Negeseuon

  • Blogiwr Ar y Marc

    Roedd dydd Mawrth diwethaf yn dipyn o achlysur i eneth pedair ar ddeg oed o Ysgol Gymunedol Arbennig Tir Morfa yn y Rhyl. Enillodd Amie Stafford, o Brestatyn, sy’n gefnogwr brwd o’r clwb lleol, gystadleuaeth i ddylunio tlws newydd ar gyfer Uwch Gynghrair Cymru Chwaraeon Corbett.

    Roedd angen tlws newydd gan i glwb y Seintiau Newydd gael yr hawl i gadw'r gwpan wreiddiol gan eu bod wedi ei ennill tair blynedd yn olynol.

    Yr wythnos diwethaf cafodd Amie gyfle i ymweld â Chanolfan Gwaith Haearn Prydeinig, Croesoswallt, i weld cynlluniau’r cwmni ar gyfer creu'r Tlws newydd wrth ddilyn eu dyluniad hi.

    Cafodd Amie gwmni ei mam Julie Stafford, yn ogystal â swyddog cyswllt disgyblion yr ysgol Mandy Lewis ynghyd a Jack Lewis, aelod o dîm Tref Prestatyn, a fu'n cynorthwyo yn y gystadleuaeth yma ar ran y clwb.

    Hefyd yn ymuno a hwy oedd Clive Knowles, Cadeirydd y Ganolfan Gwaith Haearn Prydeinig, Luke Barcud, dylunydd a cherflunydd yn y Ganolfan, Ian Williams, Prif Gyfarwyddwr Gweithrediadau Y Seintiau Newydd a'r Swyddog Hyrwyddo Uwch Gynghrair Cymru, Steve Lloyd.

    Cafodd y Ganolfan Gwaith Haearn Prydeinig gomisiwn i greu tlws newydd Uwch Gynghrair yn unol â dyluniad enillydd y gystadleuaeth a…

    Darllen mwy

  • Cyflwynydd

    Daeth cais gan Radio Cymru - a oeddwn i isio gwneud pumed cyfres o "Geraint Lovgreen ar Enw'r Gân"? Doedd dim angen gofyn ddwywaith! Lle arall faswn i'n cael y cyfle i sgwrsio efo rhai o eicons y byd roc a phop Cymraeg am yr hanes y tu ôl i'w caneuon gorau?

    Yng nghyfresi'r gorffennol dwi wedi mwynhau'r fraint o drafod caneuon efo pobol fu'n arwyr imi er pan oeddwn i yn fy arddegau, yn mynd i gigs prin ac yn prynu eu recordiau – pobol fel Ems a Sbardun o'r Tebot Piws, Delwyn Siôn a Derec Brown o Hergest, Endaf Emlyn, Tecwyn Ifan o Ac Eraill, ac eraill...

    Mae'r gyfres newydd o bum rhaglen yn cynnwys yr un cymysgedd o glasuron ein hen stejars ac ambell i lais newydd hefyd. Mi fydd yn werth gwrando petai ddim ond i glywed hanes Geraint Jarman yn cyfarfod un o'i arwyr, Saunders Lewis, mewn tŷ-bach yng Nghaerdydd! Fel mae'n digwydd bydd Dafydd Iwan yntau'n hel atgofion am wên DJ Williams, felly dim ond un o driawd Penyberth fydd yn absennol o'r gyfres.

    Mi ges hwyl efo Meic Stevens wrth iddo haeru bod un o'i ganeuon yn ddim byd ond "ffol-di-rol" (gair neis am rywbeth arall nad oedd yn teimlo y dylai ei ddweud ar Radio Cymru). Ac roedd Bryn Fôn a Rhys Wyn Parry'n gwmni difyr yn…

    Darllen mwy

  • Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'chiaith.

    Gwrandewch ar y rhifyn diweddaraf

    Rhaglen Dylan Jones - Monte Carlo

    y gantorest a'r cyflwynydd - the singer and presenter
    pencampwriaeth - championship
    ymysg - amongst
    ar ben arall - on the other end
    wsti be - you know
    cynnig - offer
    cychwyn - start
    seremoni agoriadol - opening ceremony
    anhygoel - incredible
    glawio'n drwm - raining heavily

    ...y gantores a'r cyflwynydd Elin Fflur yn Monte Carlo o bob man! Dw i'n siwr eich bod wedi clywed Elin ar Radio Cymru sawl tro a hefyd wedi ei gweld fel cyflwynydd ar S4C. Ym Monte Carlo wrth gwrs mae y ras geir enwog sef Pencampwriaeth Rali’r Byd. Roedd Elin yn sgwrsio efo Dylan Jones am y seremoni agoriadol, ond nid fel cyflwynydd ar ran S4C oedd Elin yno ond fel cantores. Dyma hi'n dweud yr hanes...


    Bore Cothi - Cwsg

    dihuno - deffro
    pwnc trafod - topic of debate
    rhaglen ddogfen - documentary
    anadlu - to breathe
    cyfrinach - secret
    cyn lleied - so little
    hanner ein hoes - half our life
    difyr - diddorol
    gorffwys - rest
    dim co(f) - no memory

    Gwych ynde, Elin Fflur o Ynys Môn yn canu o flaen sêr Hollywood. Da iawn hi, fedra i ddim meddwl…

    Darllen mwy

  • Mae C2 Radio Cymru, Maes B a Mentrau Iaith Cymru yn chwilio am fandiau newydd gorau Cymru i gymryd rhan yng nghystadleuaeth Brwydr y Bandiau, sy'n cael ei lansio ar ei newydd wedd am y tro cyntaf heddiw (26 Ionawr).

    Bwriad y gystadleuaeth yw rhoi llwyfan i ddoniau ifanc sy'n awyddus i dorri i mewn i'r Sîn Gymraeg, ac mae'r cynllun yn cynnig pob math o brofiadau go iawn i'r cystadleuwyr, er mwyn iddyn nhw gael blas ar nifer o agweddau o'r Sîn.

    Mae'r gystadleuaeth eleni'n cyfuno'r ddwy gystadleuaeth a fu'n cael eu cynnal yn y gorffennol, y naill wedi'i threfnu gan yr Eisteddfod a Maes B

    Darllen mwy

  • Blogiwr Ar y Marc

    Gyda Wrecsam yn dangos canlyniadau mor ansefydlog, mae’n anodd darogan be a fyddai'n debygol o ddigwydd nesaf ar Gae Ras Prifysgol Glyndŵr. Doedd fawr o neb, hyd yn oed Mystic Meg, wedi gallu rhagweld y byddant wedi colli adref i Telford, sydd ar waelod y Gyngres, o bedair gôl i ddim y Sadwrn diwethaf. Yna taith i Dover ganol wythnos a cholli eto.

    Yn wir, gyda llawer o gefnogwyr Wrecsam yn honni na ddylai’r clwb fod yn y gynghrair yma, ac yn feunyddiol chwilio am ddychweliad i Adran Dau Lloegr, mae eu cymdogion dros Glawdd Offa, sef Caer, yn ystyried eu hunain yn ddim mwy na thîm sydd…

    Darllen mwy

  • Yn dilyn llwyddiant cynllun Gorwelion y llynedd, mae BBC Cymru Wales a Chyngor Celfyddydau Cymru yn edrych am 12 artist newydd i’w cefnogi dros y flwyddyn nesaf. Byddant yn cael cyfle i berfformio mewn digwyddiadau ar draws Cymru ac ar orsafoedd radio cenedlaethol BBC Cymru - BBC Radio Cymru a BBC Radio Wales.

    Fe fydd y cynllun yn cefnogi’r artistiaid mwyaf cyffrous, sydd heb arwyddo i label recordio, sydd â’r potensial i dorri tir newydd yng Nghymru a thu hwnt.

    Mae gofyn i gerddorion a grwpiau sydd am gael eu hystyried ddanfon recordiad o’u gwaith gwreiddiol, llun a bywgraffiad byr.…

    Darllen mwy

  • Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.

    Gwrandewch ar y rhifyn diweddaraf

    Bore Cothi - Pobol y Cwm

    cymar - partner

    gyrfa - career

    i ryw raddau - to some extent

    wedi callio - wisened up

    menyw - dynes

    golygfeydd - scenes

    personoliaeth - personality

    gynnau - a moment ago

    enfawr - huge

    anelu ato - to aim for

    ...Pobol y Cwm. Os dach chi'n dilyn y rhaglen mi fyddwch chi'n gwybod bod un o gymeriadau mwya poblogaidd yr opera sebon - Meic Pierce yn marw o ganser. Daeth yr actor Gareth Lewis, sy'n chwarae rhan Meic, at Shan…

    Darllen mwy

  • Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.

    Gwrandewch ar y rhifyn diweddaraf

    Rhaglen Dylan Jones - George Gibbs

    yn ystod yr ymddeoliad - during the retirement
    casglu gwybodaeth - collecting information
    claddais i - I buried
    crwydryn - a tramp
    anhygoel - incredible
    ymladd yn y rhyfel - fighting in the war
    Penbedw - Birkenhead
    parchu - to respect
    llaeth - llefrith
    angladd - funeral

    ...ga i ddymuno Blwyddyn Newydd Dda i chi gyd. Mae hi'n adeg o'r flwyddyn yn tydy, pryd dan ni'n edrych yn ôl ar y gorffennol ac yn ogystal yn…

    Darllen mwy

  • Blogiwr Ar y Marc

    Pan ddaw mis Ionawr yn y byd pêl droed, mae sylw llawer o gefnogwyr yn troi tuag at ba chwaraewyr fydd yn newid clybiau a chryfhau timau.

    Yr wythnos yma, mae sylw wedi cael ei roi i glwb Wrecsam yn y cyfryngau, am eu bod wedi arwyddo chwaraewr enwog, ac am gyfraniad eu hyfforddwr newydd, Carl Darlington at safon y tîm ar y cae.

    Ymunodd Darlington o glwb Y Seintiau Newydd yn Uwch gynghrair Cymru yn ystod mis Rhagfyr, a da ydi gweld fod hyfforddwyr o fewn uwch gynghrair Cymru yn cael eu cydnabod yn y modd yma!

    Ers hynny, mae’r sylwebwyr wedi nodi fod gwelliant amlwg i'w weld yn null y…

    Darllen mwy

  • Blogiwr Ar y Marc

    "Jose, cymer fi’n dy gôl" - wel ar ôl i Thibaut Courtois argyhoeddi Jose Mourinho mai fo ddylai fod yn brif olwr i Chelsea, mae ei ragflaenydd Petr Cech wedi gweld ei hun yn cadw’r fainc yn gynnes ar Stamford Bridge heb fawr o ddim i'w wneud ond derbyn cyflog anhygoel chwaraewr pêl droed yr uwch gynghrair!

    Golwr oeddwn i pan oeddwn i'n ifanc - ond un bychan o gorff a oedd yn codi problemau ynddo’i hun, yn enwedig gyda chroesiadau a pheli uchel. Ac fel pob chwaraewr pêl droed arall, roeddwn yn pwdu os nad oeddwn yn cael gem!

    Un o'r problemau o fod yn olwr ydi’r ffaith nad…

    Darllen mwy