Help / Cymorth
« Blaenorol | Hafan | Nesaf »

O'r Gadair

Vaughan Roderick | 12:38, Dydd Iau, 10 Mehefin 2010

images.jpgMae canlyniadau'r etholiadau i ddewis cadeiryddion Pwyllgorau Dethol San Steffan newydd eu cyhoeddi.

Yn ôl y disgwyl etholwyd David Davies yn gadeirydd Pwyllgor Cymru'n ddiwrthwynebiad. Doedd dim Tori arall yn chwennych y swydd a doedd aelodau pleidiau eraill ddim yn cael sefyll. Hwn yw'r tro cyntaf i Geidwadwr gadeirio'r pwyllgor ond dyw aelodau'r gwrthbleidiau ddim yn poeni'n ormodol am hynny. Barn un yw y bydd "David naill ai'n tyfu lan ne'n cael ei daflu mas".

Ar ôl cael ei gau allan o gadeiryddiaeth ei hen bwyllgor fe benderfynodd Hywel Francis ymgeisio am gadeiryddiaeth bwyllgor arall sef y Pwyllgor ar Welliannau Cyfansoddiadol. Fe wnaeth Hywel yn weddol barchus gan ennill 102 pleidlais a dod yn drydydd. Fe wnaeth Alun Michael yn well. Derbyniodd 242 pleidlais yn yr etholiad i ddewis Cadeirydd y Pwyllgor Materion Cartref. Doedd hynny ddim yn ddigon i drechu Keith Vaz.

Roedd Geraint Davies ymhell ar ei hol hi yn y frwydr i arwain y Pwyllgor Busnes a Sgiliau gan ennill 90 pledilais.

Mae'r canlyniadau llawn yn fan hyn.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.