Help / Cymorth
« Blaenorol | Hafan | Nesaf »

Holl yn llon

Vaughan Roderick | 00:23, Dydd Mercher, 24 Chwefror 2010

Mae'n ddigon hysbys bod yr hen ffefryn noson lawen "Moliannwn" wedi ei chyfansoddi yn yr Unol Daleithiau ond oes unrhyw un yn gallu esbonio'r stori yma?

Wrth i Americanwyr symud tuag at eu hetholiadau "hanner tymor" mae'r Democratiaid yn poeni eu boliau am gyfres ddrudfawr o arolygon barn gan gwmni Rasmussen sy'n darogan dyddiau drwg i'w hymgeiswyr. Yn ôl y Democratiaid mae methodoleg Rasmussen yn ffafrio eu gwrthwynebwyr ac mae'r ffaith bod y cwmni wedi cynnal mwy o arolygon nac unrhyw gwmni arall yn ystod y misoedd diwethaf yn llywio a chamliwio y naratif gwleidyddol.

Ond pwy sy'n talu am arolygon Rasmussen? Yn ôl gwefan Rasmussen ei mae cronfa fuddsoddi wedi prynnu i mewn i'r cwmni yn ddiweddar. Enw'r gronfa yw "Noson Lawen Partners"

Fy mwyn gyfeillion dewch ynghyd! Rhwng gliniaduron Bala Cynnwyd a hwyl y noson lawen mae'n ymddangos nad yw dylanwad Cymru wedi llwyr ddarfod ar y mur uchaf!

Hyd y gwelaf i mae'r enw "Noson Lawen" wedi ei ddewis ar fympwy. Dyma esboniad y gronfa;

"Noson Lawen"; A traditional Welsh celebration frequently held at the successful conclusion of the harvest season in a place where successful harvests are not taken for granted.

Wel, ie ond...!


SylwadauAnfon sylw

  • 1. Am 14:51 ar 24 Chwefror 2010, ysgrifennodd Hogyn o Rachub:

    "Wales: a place where successful harvests are not taken for granted"

    Fydda fo ddim yn slogan gora i Groeso Cymru na fydda!

  • 2. Am 15:22 ar 24 Chwefror 2010, ysgrifennodd welwel:

    wedi'i ddewis ar fympwy, falle... ond hefyd, cyfeiriad y partner, Earl Macomber yw 558 West Uwchlan Avenue, Lionsville... difyr

  • 3. Am 15:27 ar 24 Chwefror 2010, ysgrifennodd welwel:

    http://en.wikipedia.org/wiki/Uwchlan_Township,_Pennsylvania

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.