Help / Cymorth
« Blaenorol | Hafan | Nesaf »

Ailgylchu+

Vaughan Roderick | 10:03, Dydd Mawrth, 28 Gorffennaf 2009

santa_run_libdems340x255.jpgCyn i fi ddechrau ail-gylchu mae gen i dipyn o 'rwydweithio' i wneud. Mae fe wrthi eto!

Lembit the unlikely Lothario strikes again Daily Mail

Efallai bod y "model newydd" yn disgwyl amser rhamantus dros yr Haf. Fe ddylai hi ddarllen colofn ddiweddara Lembit yn y Sport cyn cytuno ar drip i fwynhau mwynder Maldwyn.

"Recess" is time dedicated mainly to our constituencies. It's all about visiting nursing homes, opening summer fetes, dealing with blocked drains, meeting hospital bosses, , tackling refuse problems and dealing with all the other stuff people want MPs to fix.

Rwy'n gallu dychmygu'r olygfa;

"Katie annwyl, pasia'r 'drain rod' wnei di?"

"Wrth, gwrs, Lembit f'annwylyd. Hoffet ti'r sbaner hefyd?"

Ymlaen a ni at bethau amgenach. Fe roddodd ymddeoliad Tony Blair ym Mai 2007 gyfle i mi adrodd hanes un o brofiadau gwaethaf fy mywyd proffesiynol yn "Tony, y tacsis a fi". Gwnes i ddim enwi enw ar y pryd. Fe wna i nawr. Owen Smith.

Roeddwn yn ceisio meddwl ddoe am rywbeth y gallwn ychwanegu at y môr o eiriau ynglŷn â phenderfyniad Tony Blair i gamu o'r llwyfan. Dim ond y bore 'ma y cofiais i hanesyn am un o ddyddiau gwaethaf fy ngyrfa fel darlledwr. I ddweud y gwir dw i wedi bod yn ceisio anghofio am y digwyddiad!

Yn ystod etholiad 2001 fe drefnwyd i mi wneud rhaglen a Tony Blair ar gyfer Radio Wales yn fyw o westy yng nghanol Caerdydd. Y syniad oedd gwahodd gwrandawyr i ffonio mewn a'u cwestiynau i'r Prif Weinidog. Fe aeth y rhaglen yn iawn ond cefais i (a Tony dw i'n meddwl) ein synnu gan gyn lleied o alwadau a dderbyniwyd.

Dim ond ar ôl y rhaglen y gwnes i ddarganfod y gwir echrydus. Doedd bron neb wedi clywed gair yr oedd gan y Prif Weinidog i'w ddweud! Roedd swyddfa dacsis cyfagos wedi ymyrryd a'r signal radio ac yn hytrach na chlywed am "New Labour New Britain" roedd y gwrandawyr wedi cael llond clust o "first call- Grangetown, second call Splott"!

Fe gadwodd cynhyrchydd y rhaglen yn dawel am y broblem gan adael i Tony a finnau balu 'mlaen. Gwna i ddim enwi'r cynhyrchydd dim ond dweud bod profiad fel yna yn paratoi dyn ar gyfer siomedigaethau mawr bywyd - methu ac ennill isetholiad seneddol mewn cadarnle Llafur er enghraifft.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.