Help / Cymorth
« Blaenorol | Hafan | Nesaf »

Peter yn pregethu

Vaughan Roderick | 14:32, Dydd Mercher, 28 Tachwedd 2007

Mae Peter Hain newydd annerch y cynulliad ac mae'r aelodau wedi gorfod gwrando ar dipyn o bregeth. Wrth gyfeirio at geisiadau am yr hawl i ddeddfu- yr LCO's bondigrybwyll y gwnes i bostio yn eu cylch ddoe fe ddywedodd hyn;

"Let me be clear that there is no case whatsoever for the Assembly to be required to supply every detail of future, perhaps unforeseen, Assembly Measures...but, by equal measure, Parliament cannot rubber stamp or let anything through ‘on the nod’. Each request for legislative competence will be subject to scrutiny, as the Government made clear during the passage of the 2006 Act...It is an important principle that Parliament and Whitehall Departments are allowed to probe the basis of legislative requests, and that in doing so are not presented as ‘unreasonable’ or ‘obstructive’. The mentality that sees Parliament as an ‘inconvenience’ will itself act as a roadblock to devolution’s progress, and is in any case against the terms of the settlement as entrenched by the people of Wales in 1997."

Nawr i'ch atgoffa dyma oedd gan Gwnsler Cyffredinol y Cynulliad, Carwyn Jones, i ddweud ddoe;"dyw e ddim yn bosib i weinidog ddweud beth fydd y cynulliad yn gwneud gan mai i'r cynulliad y trosglwyddir y pwerau ac nid i'r gweinidog". Dywedodd hyn hefyd; "dyw e ddim yn bosib dweud sut y byddai pŵer yn cael ei ddefnyddio".

Ddoe hefyd dosbarthodd Llywodraeth y Cynulliad ddogfen i newyddiadurwyr yn dwyn y teitl "legislative processes- Frequently Asked Questions" sy'n dweud hyn; "The Welsh Assembly Government's immeadiate policy intentions should not be the determining factor when considering the proposed order...In other words... the detail of the measures themselves will be a matter for the Assembly"

Mae'n amlwg erbyn hyn bod y modd y mae'r LCOs wedi eu cyflwyno hyd yn hyn wedi gwylltio San Steffan ac heb ewyllys da ar y ddwy ochor mae'n anodd gweld sut y gall y system weithio. Mae angen datrys y broblem hon a hynny ar fyrder. Mae'r ffaith bod Ysgrifennydd Cymru wedi gweld yr angen i geryddu Llywodraeth y Cynulliad yn ei siambr ei hun yn arwydd o ba mor wael y mae pethau.

Ydy hi'n bosib cysoni safbwyntiau Peter Hain a Carwyn Jones? Wel, ydy, trwy fynd nôl at gynnwys y Papur Gwyn wnaeth arwain at Fesur Llywodraeth Cymru sy'n awgrymu y gallai mesurau arfaethedig gael eu defnyddio fel "enghreifftiau" o'r hyn y gallai'r Cynulliad wneud.

SylwadauAnfon sylw

  • 1. Am 15:54 ar 29 Tachwedd 2007, ysgrifennodd Alun Thomas:

    Beth gellir ddweud ..shambles llwyr cawl potes go iawn. Wrth gwrs bod hwn ddim yn mynd i weithio. Gore cyn gynted a gewn i senedd go iawn yma yng Nghaerdydd. Wrth gwrs bydd San Steffan yn eistedd ar y LCO Pam lai rhaid iddynt gael rhywbeth i wneud lan yn LLundain

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.