Help / Cymorth
« Blaenorol | Hafan | Nesaf »

Atebion o Geredigion

Vaughan Roderick | 09:23, Dydd Mercher, 25 Ebrill 2007

Ar gais Rhys Llwyd gofynnais i Owain Clarke ymchwilio i nifer o honiadau ynglŷn â thaflenni'r Democratiaid Rhyddfrydol yng Ngheredigion

Mae cwestiynau a sylwadau gwreiddiol Rhys i weld yn fan hyn.

Dyma gasgliadau Owain.

Nid yw'n ofynnol i bleidiau gwleidyddol gynnwys enwau ymgeiswyr na dyddiad yr etholiad ar eu taflenni. (Eto i gyd mae'r Democratiaid Rhyddfrydol yn mynnu bod eu gohebiaeth yn cynnwys naill ai enw'r ymgeisydd etholaethol neu'r ymgeisydd/ion rhanbarthol)

Mae hawl gan bob ymgeisydd mewn etholaeth neu ranbarth ddosbarthu taflen drwy wasanaeth "candidate mailing" y Post Brenhinol. Mae'r Post Brenhinol yn cynnig cyngor ynglŷn â'r rheolau. Gweler yma.

Mae'r Comisiwn Etholiadol hefyd yn cynnig canllawiau i ymgeiswyr yma.

Mae'r dwy daflen "Gohebiaeth Etholiad" y Democratiaid Rhyddfrydol y llwyddais i gael gafael arnyn nhw YN cynnwys y wybodaeth angenrheidiol ynglŷn â phwy sy'n eu hyrwyddo a'u cyhoeddi ayyb.

O ran cyllido'r taflennu, dywed y Democratiaid Rhyddfrydol fod "arian ar gyfer y taflenni lleol yn dod o goffrau'r blaid yn lleol ond bod cyllid ar gyfer taflenni rhanbarthol, ar hyd a lled Cymru yn gyfuniad o gyllid lleol a chyfraniadau gan y blaid Gymreig ganolog."

Gwrthododd llefarydd ar ran y Democratiaid Rhyddfrydol yr awgrym fod y blaid wedi gorwario yn yr etholaeth.

Mae'r Comisiwn Etholiadol wedi cadarnhau nad y'n nhw wedi derbyn unrhyw gwyn ynglŷn â'r ymgyrch yng Ngheredigion.

SylwadauAnfon sylw

  • 1. Am 12:35 ar 25 Ebrill 2007, ysgrifennodd Rhys Llwyd:

    diolch am yr esboniad. Mae'n gwneud synwyr ond eto dydy e ddim. Pam defnyddio y direct mails y hyrwyddo'r ymgyrch ranbarthol yn hytrach na John Davies eu hymgeisydd yng Ngheredigion, sedd maen nhw i fod i dargedu?

    Rhys, Aberystwyth

  • 2. Am 12:55 ar 25 Ebrill 2007, ysgrifennodd Bleddyn Huws:

    Derbyniais ddwy daflen etholiadol sgleiniog drwy'r post gan y Rhyddfrydwyr Democrataidd. Yn un ohonynt yr oedd Mark Williams AS yn honni ei fod ef a'i gyd-ymgyrchwyr yn y blaid yn poeni am swyddi a gwasanaethau lleol. Ond wrth graffu ar y taflenni eu hunain , sylwyd eu bod ill dwy wedi ei hargraffu gan gwmni o Gaerdydd! Byddai angen inni i gyd boeni am swyddi a gwasanaethau lleol pe bai pob plaid yn dewis peidio a chefnogi'r cwmniau argraffu a geir yma ar garreg y drws yng Ngheredigion. Diolch i'r drefn nad yw pob plaid mor rhagrithiol a'r Rhyddfrydwyr Democrataidd!

    Bleddyn Huws, Tal-y-bont

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.