« Blaenorol | Hafan | Nesaf »

Pigion i Ddysgwyr: Geirfa 17 Ionawr 2013

Categorïau:

Pigion Pigion | 14:52, Dydd Iau, 17 Ionawr 2013

Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith. Beth yw podlediad?

Gwrandewch ar y rhifyn diweddaraf

 

Ifan Evans - nos Fawrth

cynllunwyr - designers
canolbwyntio - concentrating
mas - allan
anhygoel - incredible
cerddoriaeth - music
ffili - methu
am w'n i ( am wyddwn i) - I suppose
yn bennu - yn gorffen
o flaen llaw - before hand
unigryw - unique

"... hanes model o Gymru. Na, dw i ddim yn sôn yma am Miss Wales na neb felly ond am Dylan Garner o Dregaron. Fo oedd gwestai Ifan Evans nos Fawrth ac mae o'n llwyddianus iawn fel model. Mae o wedi gweithio efo rhai o gynllunwyr mwya'r byd ffasiwn, a'r wythnos yma mi fydd o'n gweithio mewn sioe ffasiwn arbennig iawn yn Llundain. Hon fydd y sioe cynta yn y ddinas sy'n canolbwyntio ar ffasiwn dynion yn unig. Ond sut dechreuodd y bachgen 'ma o Dregaron weithio fel model? Wel mae hi'n stori ddiddorol a dyma Dylan yn dweud yr hanes... "

Nia Roberts - Y Tube

tanddaearol - underground
diweddar - recent
gorsafoedd - stations
dadrithiad - dissillusionment
ar flaen y gad - leading the field
gwagio - to empty
llwyth o bobl - loads of people
canrif a hanner - a century and a half
cyfnod y rhyfel - the war period
gwarchod rhag - to protect from

"Wel dyna stori ynde? Dylan y plastrwr rwan yn fodel enwog. Colur ydy'r unig beth mae o'n blastro rwan debyg! Arhoswn ni yn Llundain ar gyfer y clip nesa. Stuart Cole fuodd yn siarad efo Nia Roberts dydd Llun am hanes trenau tanddaearol y ddinas - sef system y 'tube'. Dechreodd y trenau yma redeg gant a hanner o flynyddoedd yn ôl ond mae hanes mwy diweddar i'r mapiau o'r system sy'n dangos y gorsafoedd wedi eu cysylltu mewn llinellau syth. Mae o i'w weld yn fap digon syml yntydy? Ond ar un adeg roedd y math yma o fap yn torri tir newydd, fel yr esboniodd Stuart Cole... "

Straeon Bob Lliw - Maes G

dwyieithog - bilingual
hyder - confidence
yn frwdfrydig - enthusiastic
breuddwyd - dream





"Tasech chi'n dod ar y tren o Lundain i Gaergybi mi fasech chi'n sylwi ar stâd fawr o dai ar gyrion dinas Bangor. Maesgeirchen ydy enw'r stâd, neu Maes G os dach chi'n byw yn lleol. Mi gaethon ni flas ar fywyd y stâd hon ar Straeon Bob Lliw ddydd Llun. Yr actor Llion Williams, sy'n dod o Fangor yn wreiddiol, aeth â ni o gwmpas y stâd a chael sgwrs efo nifer o'r bobl sy'n byw yna. Yn y clip nesa mi gawn ni ei glywed yn siarad efo dwy fam ifanc, Siân a Bethan ac efo merch ifanc o'r stâd o'r enw Paige. "

Huw Stephens - Hywel Pitts

profiad gwych - brilliant experience
darlithoedd - lectures
ymarferol - practical
cerddor - musician
cyflog - wage
llifogydd - floods cynulleidfa - audience cyfaddef - to admit gwaelod - bottom dyledion - debts

"Paige yn fan'na'n breuddwydio am fod yn actores. Pob lwc iddi hi ynde, a chofiwch mai yma clywoch chi'r enw gynta. Bachgen ifanc o'r un rhan o Gymru ydy Hywel Pitts. Cerddor ydy o sydd wedi agor stiwdio recordio ei hun ar gyrion Bangor. Nos Lun diwetha roedd o'n gwneud sesiwn yn y stwidio efo Huw Stephens. Oedd, mi roedd yna gerddoriaeth ar Radio Cymru yr wythnos diwetha. Mi gawn ni glywed cân gan Hywel ar ddiwedd y clip ond yn gynta dyma ran o'i sgwrs efo Huw... "

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.