Help / Cymorth
« Blaenorol | Hafan | Nesaf »

Mewn undod y mae nerth

Categorïau:

Hywel Gwynfryn | 09:26, Dydd Iau, 1 Ebrill 2010

Pwy ydi'r pump o amgylch y bwrdd? Os 'da chi'n byw yn Llangyndeyrn neu yn un o'r pentrefi cyfagos, fe fyddwch yn gwybod yn iawn pwy ydyn nhw.

llangyndeyrn_bwrdd.jpg

O'r chwith i'r dde: Joan Jones, John Thomas, Arwyn Richards, Nina Rees a Huw Owen.

Fe fyddwch chi'n cofio hefyd i bentrefwyr Llangyndeyrn frwydro ddechrau'r chwedegau yn erbyn y bwriad gan Gorfforaeth Abertawe i foddi mil o aceri o dir yn ymyl y pentre'. Er mai babi bach dau fis oed oedd John ar y pryd, mae o wedi clywed yr hanes droeon gan ei dad oedd yn un o arweinwyr yr ymgyrch, ac fe fu'r pump ohonyn nhw yn hel atgofion yng nghysgod y garreg enfawr a godwyd tu allan i'r pentre' i gofio am y frwydr.

Y geiriau yng nghanol y garreg ydi "Mewn undod y mae nerth." Ac fel dywedodd Arwyn Richards "Roedd pawb yn gytûn na fydden ni'n ildio modfedd ac fe brofon ni mai trech gwlad nag arglwydd."

llangyndeyrn_carreg.jpg

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.