Help / Cymorth
« Blaenorol | Hafan | Nesaf »

Blwyddyn Newydd Oer iawn i chi.

Categorïau:

Hywel Gwynfryn | 13:21, Dydd Gwener, 8 Ionawr 2010

Ac os yda chi'n athro neu athrawes, fe hoffwn gydymdeimlo yn fawr efo chi. Mae'n rhaid ei fod o'n torri'ch calon chi i feddwl fod na fwy o eira a rhew ar y ffordd ac y bydd 'na siawns go lew felly na fyddwch yn yr ysgol yr wythnos nesaf chwaith, ond yn hytrach yn gorfod aros adre efo dim byd i'w wneud ond darllen brochures gwyliau Pasg - "Sgio yn yr Alpau!" Ond mae'n bur debyg y byddwch chi a'r disgyblion yn cymeryd wythnos yn llai o wyliau Pasg eleni, er mwyn sicrhau na fydd addysg y plant yn dioddef. Mmm!

dinasmawddwy1.jpg
Dyma'r olygfa i gyfeiriad Dinas Mawddwy a finnau ar fy ffordd i Gaernarfon. 'Dwi'n gwybod fod yr eira a'r rhew yn bla, ond mae haenen denau o eira dros y wlad efo'r haul yn sgleinio arno yn ychwanegu at ei harddwch, tra'n creu problemau yr un pryd wrth gwrs. Er i mi fethu a mynd i Langadog fer lwyddais i i gyrraedd y Gogledd ddechrau'r wythnos, a chael sgwrs efo Walter Richards am ei gasgliad o memorabilia Elvis Presley, anwyd ar y dyddiad yma Ionawr 8fed, 1935.
Beth sydd yn y casgliad? Roedd yr hanes i gyd ar raglen Jonsi dydd Gwener, a gallwch wrando nôl ar yr iPlayer.

elvisp1.jpg
Yn ystod yr wythnosau nesaf, 'dwi'n gobeithio mynd i Gwm Gwaun i ddathlu'r hen galan, i Hwlffordd i gael hanes awyren go arbennig, i Fôn i ddilyn Dwynwen ac i Ysgol Lon Las i ddathlu penblwydd yr ysgol yn drigain oed. Beth sy'n digwydd yn eich ardal chi?

Cysylltwch efo mi ac fe fydd y fan a fi yn y fan a'r lle i roi sylw cenedlaethol i'r digwyddiad ar Radio Cymru. Y cyfeiriad ebost ydi
hywel.gwynfryn@bbc.co.uk

Mwy o’r blog hwn…

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.